EUR

Beynəlxalq valyuta birjalarında son aylar qlobal iqtisadiyyatda risklərin artmasına təsir edən amillərin aradan qalxmasından sonra avronun ucuzlaşması dinamikası da zəifləyib. Bu həftə açıqlanacaq Avrozonanın sənaye və xidmət sektorlarına dair önəmli fundamental göstəricilər isə hazırda 1.08$-a ticarət edilən EUR/USD məzənnəsinin bahalaşmasına da səbəb ola bilər.

GBP

1.19$-a kimi ucuzlaşmaqda davam edəcəyi proqnozlaşdırılan GBP/USD məzənnəsində də dinamika bu həftə açıqlanacaq sənaye və xidmət sektorları ilə bağlı önəmli göstəricilər fonunda zəifləyə bilər.

Bununla yanaşı, Breksit iqtisadi sazişi fonunda Avropa Birliyi ilə danışıqlar da investorların diqqət mərkəzindədir.

TRY

USD/TRY məzənnəsində son bir həftə ərzində müşahidə edilən ucuzlaşma davam edir və 6.77TL-yə kimi dərinləşə bilər.

Cümə axşamı Türkiyə Mərkəzi Bankının Bakı vaxtı ilə saat 15:00-da dərc edəcəyi faiz qərarı da böyük maraqla gözlənilir.

OIL

Dünya iqtisadiyyatında neftə olan tələbin güclənəcəyi ehtimallarının artması ilə Brent nefti dəyər qazanmaqda davam edir. Təhlillərə əsasən, bir barelin qiyməti 31$-ın üzərində qaldıqca, 40$-a kimi dəyər qazana bilər.

Çərşənbə günü saat 18:30-da yayımlanacaq ABŞ-ın neft və benzin ehtiyatları ilə göstəricilər də treyderlərin diqqət mərkəzindədir.

GOLD

Əlvan metallar birjalarında qızılın qiyməti dəyər qazanmaqda davam edir və bahalaşma texniki səbəblərlə əlaqədardır. Beləliklə, bir unsiya üzrə qiymət 1780$ (57.2 $/qram) və 1796$ (57.7 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.