EUR

Beynəlxalq valyuta birjalarında bu həftə dərc ediləcək önəmli fundamental məlumatlarla zəngin dövr olacaqdır. Xüsusilə də Amerika və Avropa mərkəzi banklarının gələcək monetar siyasətlərinə dair açıqlamaları diqqət mərkəzindədir.

Avro/Dollar məzənnəsi 1.09$-ın altında qaldıqca, 1.06$-a kimi ucuzlaşacağı ehtimalları da güclü olaraq qalır.

GBP

Bu həftə İngiltərə iqtisadiyyatı ilə bağlı önəmli göstəricilərin yayımlanması gözlənilməsə də enerji birjalarında neftin gələcək qiyməti GBP/USD məzənnəsinə təsiri baxımından diqqət mərkəzində olacaqdır. Keçən həftə 1.25 və 1.24$-da müqavimətlə rastlaşan funtun qiyməti sözügedən dəhlizin altında qaldıqca, daha da - 1.22$-a kimi ucuzlaşa bilər.

TRY

USD/TRY məzənnəsi isə son bir ilin maksimumunda dalğalanmaqda davam edir. Texniki analizlər üzrə proqnozların ağırlığı məzənnənin 7.10TL-yə kimi bahalaşacağı istiqamətindədir.

Bununla yanaşı, gələn həftə dərc ediləcək inflyasiyaya dair proqnozlar da ölkədə qiymətlərin artmayacağı istiqamətindədir və bu, lirədə ucuzlaşma dinamikasının zəifləməsinə də səbəb ola bilər.

OIL

Qlobal iqtisadiyyat üzrə fundamental göstəricilərin mənfi açıqlanması, enerji birjalarında neft qiymətlərinə də təzyiq edir. Brent neftinin bir barel qiyməti hazırda 21$-a ticarət edilir və 23$-da güclü müqavimətlə rastlaşır. Beləliklə, gələcək trend həm həftə ərzində açıqlanacaq iqtisadi statistik, həm də çərşənbə günü Bakı vaxtı ilə saat 18:30-da yayımlanacaq ABŞ-ın neft və benzin ehtiyatları ilə göstəricilərdən asılı olacaqdır.

GOLD

Əlvan metallar birjalarında qızılın qiyməti də qlobal iqtisadiyyata dair göstəricilərdən asılı olaraq, dalğalanmaqdadır.  üzrə qiymətində ucuzlaşma müşahidə edilir. Keçən həftənin əvvəlində 1660$-da (53.4 $/qram) dəstək görən qiymət, bu gün 1723$-a (52.4 $/qram) təklif edilir və son 7 ilin maksimumu qırılarsa, 1796$-a (57.8 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.