"İctimai nəqliyyatda məhdudiyyətlər nəzərdən keçirilir"

"İctimai nəqliyyatda məhdudiyyətlər nəzərdən keçirilir"

"Ola bilsin ki, sərnişin az olan marşrutlar üzrə avtobusların hərəkəti dayandırılsın"

"İctimai nəqliyyatda məhdudiyyətlər nəzərdən keçirilir"

İctimai nəqliyyatda məhdudiyyətlərin tətbiqi məsələsi nəzərdən keçirilir.

Bunu Bakı Nəqliyyat Agentliyinin mətbuat xidmətinin rəhbəri Mais Ağayev bildirib.

VTB-də minimal faiz dərəcəsi ilə nağd kredit 10.49%-dən

Onun sözlərinə görə, Bakı Nəqliyyat Agentliyi tərəfindən hazırkı epidemioloji vəziyyət və hadisələrin inkişafına uyğun fəaliyyət planları hazırlanaraq Nazirlər Kabineti yanında Operativ Qərargaha təqdim edilib: “Bu fəaliyyət planları ilə bağlı Operativ Qərargahın qərarı necə olacaqsa, ona uyğun da işlər həyata keçiriləcək. Hazırda həyati vacib fəaliyyət göstərməli olan obyektlərin, xüsusilə də ərzaq mağazaları və apteklərin gündəlik nə qədər işçisinin işə getdiyini araşdırırıq. Buna uyğun olaraq, ola bilsin ki, 24 saat fəaliyyət göstərən ekspress xətlər fəaliyyətə başlasın və ya sərnişin az olan marşrutlar üzrə avtobusların hərəkəti dayandırılsın. Bütün bunlar Operativ Qərargahın yekun qərarından asılı olacaq”.

Karantin dövründə nəqliyyat axınında 30% azalma müşahidə edilib

Mais Ağayev bildirib ki, Nəqliyyatı İntellektual İdarəetmə Mərkəzinin 43 küçə və prospektdə 01-09.04.2020 tarixlərini əhatə edən araşdırmalarına əsasən xüsusi karantin rejimi çərçivəsində tətbiq edilən tədbirlərlə əlaqədar küçə və prospektlərdə nəqliyyat axınında təxminən 30% azalma müşahidə edilib.

Onun sözlərinə görə, xarici ölkə şəhərlərinin təcrübəsində isə xüsusi karantin günlərində yollarda nəqliyyat axını ilə bağlı azalma ən az 60-70% təşkil edir:

“Göstərilən müddət ərzində ən böyük azalma aprelin 5-də, ən böyük artım isə aprelin 1-də qeydə alınıb. Son iki gündə - yəni, aprelin 8 və 9-da isə nəqliyyat vasitələrinin sayında artım müşahidə olunur”.

APA

10.04.2020 16:09