Məşhur sərmayəçi Peter Schiff, 3 Noyabrdakı ABŞ prezident seçkilərində pulsuz təhsil və səhiyyə vədi verən Bernie Sandersin seçilməsi vəziyyətində, seçkinin sabahısı günü qızılın unsiyasının qiymətinin 2000 dollar səviyyəsini keçə biləcəyini nəzərdə tutur. Peter Schiffə görə, bazar, Sandersin Prezident seçiləcəyinə seçki əvvəlində inansa bu səviyyə daha əvvəldən də aşıla bilər

Beynəlxalq bazarlarda qızılın unsiyasının qiyməti bazar ertəsi günü 1685 dollarla son 7 ilin ən yüksək səviyyəsinə çatıb. Bu yüksəlişə koronavirus epidemiyasına dair narahatlıqlar səbəb olub. 

Marja xəbər verir ki, Bazar ertəsi günü görülən ən yüksək səviyyənin ardından bu gün qızılın unsiyasının qiyməti 1632 dollardır.  

SON HƏFTƏLƏRDƏ ÖNƏ ÇIXDI

ABŞ Prezident seçkiləri üçün Demokratiya Partiyası namizəd müəyyən etməkdədir. Son həftələrdə, Bernie Sanders partiyanın namizədləri arasında önə çıxmağa başlayıb. Bernie Sandersin 3 Noyabrdakı seçkilərdə ABŞ Prezidenti Donald Trampun qarşısına çıxması və seçkini qazanması bazarlar üçün mənfi bir ssenari olaraq görünür. 

Özünü "demokratik sosialist" adalnadıran Vermont senatoru Bernie Sandersin seçki kampaniyasının əsas mövzudu "gəlir ədalətsizliyidir". Sanders seçilməsi vəziyyətində zənginlərdən və sərmayə bazarı qazanclarından daha yüksək vergi almağı, təmin edilən əlavə gəlirlərlə də bütün ABŞ vətəndaşlarına ödənişsiz təhsil və səhiyyə xidməti vəd edir.  

"ZƏNGİNLƏRDƏN ALINAN VERGİ ÇATMAYACAQ"

Bernie Sandersin seçilməsi vəziyyətində sərmayəçilərin "etibarlı limanlara" yönələcəyi gözlənilir. Mövzuni şərh edən "Avro Pacific Capital"ın İcraçı direktoru, məşhur sərmayəçi Peter Schiff, "Sandersin seçilməsi dövlətin büdcə kəsirini artması və Fed-in daha çox pul çap etməsi mənasını verir. Zənginlərdən daha çox vergi alaraq verdiyi vədləri maliyyələşdirməsi mümkün deyil" ifadələrini istifadə edib. 

Schiff şərhinə sözlərlə davam edib:

"Sanders Prezident seçilsə, qızılın qiyməti seçkinin sabahısı günü 2000 dolların üzərinə çıxacaq. Bazarlar Sandersin seçkini  qazanacağına inansa 2000 dollar daha əvvəl də aşıla bilər".

SON SORĞUDA TRAMPI KEÇİB

Yaxşı Bernie Sanders Demokratiya Partiyasının namizədi olsa Trampdan çox səs yığa bilərmi? Son sorğular bunun güclü bir ehtimal olduğunu göstərir. "CBS News"un "YouGov"la 20-22 Fevral tarixlərində ortaq şəkildə keçirdiyi sorğuda 10 min nəfərdən  kimə səs verəcəkləri soruşulub. 47%-i "Bernie Sanders", 44%-i "Tramp" deyib.