Bakıya dünyanın ən sürətli avtomobili sayılan “Bugatti Chiron”un gətirilməsi ilə bağlı məlumatlar yayılıb. Ötən il dekabr ayının 30-da Bakıda fotoşəkilləri çəkilən avtomobilin “Silk Way” aviaşirkəti vasitəsilə gətirildiyi bəlli olsa da, sahibinin kimliyi məlum deyil.

Dövlət Gömrük Komitəsindən media sorğusuna cavab olaraq bildirdilər ki, bu avtomobil Azərbaycan tranzit gəlib və ölkəyə aidiyyati yoxdur.

“Bugatti Chiron” avtomobilini Almaniyanın Hann şəhərindən gətiriblər. Bakıda təyyarə dəyişilib, başqa təyyarə ilə Dubaya yola salınıb. Azərbaycandan sadəcə tranzit keçib. Bu avtomobilin Azərbaycana aidiyyatı yoxdur”, – komitənin mətbuat xidmətinin rəhbəri Natiq Axundov deyib.

Qeyd edək ki, “Bugatti” şirkəti lüks avtomobilin bu modelindən cəmi 500 ədəd buraxmaq planlaşdırıb.

Təxminən 10 gün əvvəl - yola saldığımız ilin dekabr ayının 30-da Bakıya yeni “Bugatti Chiron” markalı avtomobil gətirilib. 

Təqdim olunan fotolardan belə məlum olur ki, avtomobil "Silk Way" aviaşirkəti vasitəsilə gətirilib.

Avtomobili kimin gətirdiyi bizə məlum olmasa da, qiymətinin xeyli yüksək olduğunu söyləyə bilərik.

Belə ki, 2016-cı ildən istehsalına başlanan “Bugatti Chiron” markalı avtomobilin qiyməti 2,5 milyon avrodan, yəni 5 milyon manatdan başlayır. Avtomobil alınarkən ödənilən vergiləri, daşınma və gömrük rüsumunu da (avtomobilin ən aşağı qiymətə alındığı qəbul olunsa, minimum 1,7 milyon manat rüsum ödənilməlidir) və digər kiçik xərcləri də nəzərə alsaq, “Bugatti Chiron”un Bakya gəlib çıxması üçün sifarişçisinin ən azı 7-8 milyon arası vəsait ödədiyini söyləyə bilərik.

Qeyd edək ki, Fransanın “Bugatti” şirkəti tərəfindən istehsal olunan “Chiron” modeli dünyadakı ən sürətli hiper-avtomobil hesab olunur.

Mühərriki 1500 at gücündə olan avtomobilin sürəti saatda 420 kilometrdir. Ancaq 2018-ci ildən sonra istehsal olunan “Bugatti Chiron” modelində sürətin saatda 443 kilometrə qədər artırıldığı bildirilir. Avtomobil bu sürəti cəmi 9 saniyədə yığır.

Onu da qeyd edək ki, “Bugatti” şirkəti “Chiron” modelindən cəmi 500 ədəd buraxmağı planlaşdırıb. İndiyə qədər bu modeldən neçə ədədini istehsal edərək satdığı haqda məlumat olmasa da, birinin artıq Azərbaycana gətirildiyi məlumdur.

Xeyirli olsun! Ancaq maraqlıdır, avtomobili gətirən minimum 1,7 milyon manat təşkil edən gömrük rüsumunu ödəyibmi?...

© “AzPolitika”