Dünyada 50.000-dək xidmət nöqtəsi olan “Zolotaya Korona” bu gün Expressbank müştərilərinin ən sevimli pul köçürmə vasitələrindən biridir. Məhz bu səbəbdən müştərilərin maraqlarını nəzərə alaraq, Expressbank-ın “Zolotaya Korona” pul köçürmələri sistemi ilə birlikdə xüsusi tarif əsasında təqdim etdiyi aksiyanın müddəti 4 ay uzadıldı.

“Zolotaya Korona” pul köçürmələri sistemi ilə Expressbank vasitəsi ilə pul göndərən müştərilər xüsusi endirilmiş tariflə xidmət olunurlar. Belə ki, Rusiya, Belarusiya, Gürcüstan, Qazaxıstan, Özbəkistan, Tacikistan, Qırğızıstan, Moldova ölkələrinə pul göndərən Expressbank müştəriləri bu əməliyyat üçün 0,8%-dən başlayan tariflərlə komissiya ödəyəcəklər. Pul köçürmələri ABŞ dolları, rubl və avro valyuta növlərində göndərilə bilər.

Ümumiyyətlə, Expressbank-la təcili pul köçürmələri xidmətləri çox sərfəlidir. Belə ki, sərfəli tariflər, yüksək xidmət və əməliyyatların operativliyindən əlavə Expressbank-ın müştəriləri həm pul göndərərkən, həm pul alarkən Pul Kart vasitəsi ilə qazanırlar. Pul Kart müştərilərə hədiyyə edilir və hər təcili pul köçürməsi zamanı məbləğdən asılı olaraq müştərinin kartına pul şəklində bonuslar hesablanır. Müştərilər nəinki bu vəsaiti ATM-lər vasitəsi ilə nağdlaşdırır, hətta öz vəsaitlərini də Pul karta yerləşdirə bilirlər.

Qeyd edək ki, Expressbank-ın filiallarında digər təcili pul köçürmə sistemləri ilə də pul göndərmək mümkündür. Bank həmçinin Contact, Lider, IBA Express, Xəzri və Monex təcili pul köçürmələri sistemləri ilə beynəlxalq köçürmələr həyata keçirir.

Expressbank-ın xidmət şəbəkəsi 16 filialdan ibarətdir. Onlardan 10-u Bakı və Sumqayıt şəhərlərində, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 80-dək bankomat, 6000-dək POS terminal və 500-dən artıq ExpressPay ödəniş terminalı vardır.