Azərbaycan kasıb ölkələr üçün donor olmaq arzusunu rəsmi şəkildə təsdiqləyəcək

Azərbaycan hökuməti Beynəlxalq Valyuta Fondu və Dünya Bankının İdarəedicilər Şurasının illik iclasında kasıb ölkələr üçün donor ölkə qismində iştirak etmək və Beynəlxalq İnkişaf Assosiasiyasına (IDA) vəsait ayırmaq istədiyini bəyan edəcək.
Dünya Bankının Bakı nümayəndəliyindən verilən məlumata görə, Beynəlxalq Valyuta Fondu və Dünya Bankına üzv ölkələrin illik iclası oktyabrın 14-20-də ABŞ-ın Vaşinqton şəhərində keçiriləcək.
“Müşavirə zamanı donorların iclası keçiriləcək və onlar IBA-ya vəsaitlər yatırmaq istəklərini elan edəcəklər. İanələrin məbləğinə gəlincə, ölkələr bunu dekabrın əvvəlində Stokholmda keçiriləcək donor konfransında elan edəcəklər", - nümayəndəlikdən bildiriblər.
İllik iclasda Azərbaycandan Mərkəzi Bankın nümayəndə heyəti iştirak edəcək.
Qeyd edək ki, bu, IDA-ya on doqquzuncu vəsait bəxşi olacaq.
Dünyanın 39-u Afrikada yerləşən 75 yoxsul ölkəsinə beynəlxalq yardımların ən iri subyektlərindən olan IDA həmin ölkələrdə təməl sosial xidmətləri təmin edən donor vəsaitlərinin də ən böyük mənbəyidir.
Sonuncu - sayca 18-ci vəsait ödənişi 2016-cu ilin dekabr ayında başa çatıb və 75 milyard dollar məbləğlə rekord qırıb. Bu məbləğ 2020-ci il iyunun 30-da başa çatacaq üçillik müddət ərzində həyata keçiriləcək layihələrin maliyyələşdirilməsinə sərf olunacaq. Belə ki, həmin vəsait hesabına 400 milyon nəfərə səhiyyə və qida sahəsində baza xidmətlərin, 130-180 milyon uşağın peyvənd, ixtisaslı həkimlərin iştirakı ilə 20 milyonadək qadına təhlükəsiz doğuş xidmətlərinin göstəriləcəyi, 45 milyonadək sakinin təmiz içməli su ehtiyacının ödənməsinin təmin olunacağı, 300 milyondan çox uşaq üçün 9-10 milyon müəllimin hazırlanacağı gözlənilir.
Azərbaycan Dünya Bankı qrupuna 1992-ci ildə daxil olub və əməkdaşlığın ilk illərində ölkəyə IDA xətti vasitəsilə yalnız güzəştli kreditlər verilib. Bu gün Azərbaycanın iqtisadi inkişafı, o cümlədən güzəştli kreditlərin verilməsinin əsas göstəricilərindən biri olan adambaşına düşən ÜDM IDA ölkələri üçün kriteriyalardan kənara çıxıb.
Xatırladıq ki, ÜDM-də adambaşına düşən pay 1165 dollardan çox olmayan ölkələr IDA-dan kredit almaq hüququna malikdir. 2018-ci ildə Azərbaycanda adambaşına düşən ÜDM isə 8126,2 manat (4780 dollar) təşkil edib.
Hazırda Azərbaycan Beynəlxalq Yenidənqurma və İnkişaf Bankının (BYİB Dünya Bankı qrupuna daxildir) şərtlərinə uyğun olaraq kreditlər alır.
Əməkdaşlıq müddətində Dünya Bankı Azərbaycana ümumi dəyəri üç milyard dollardan çox olan 50-dən çox layihənin icrası üçün kredit ayırıb. Hazırda təxminən 1,5 milyard dollar dəyərində daha 7 layihə həyata keçirilir. Kreditlərdən əlavə, 1995-2014-cü illərdə Dünya Bankı Azərbaycana 41,586 milyon dollar məbləğində 45 qrant ayırıb.
© "Report"
Müştərilərin xəbərləri

“Cahan Şirkətlər Qrupu”nun təşəbbüsü ilə Naxçıvanda yaşayan şəhid ailələri azad edilmiş ərazilərə səfər ediblər
SON XƏBƏRLƏR
- 3 həftə sonra
-
11 saat əvvəl
“Kiyev Alyaskada Putin və Trampın sülh şərtlərini rədd edib”
-
13 saat əvvəl
Zelenski və Avropa liderləri sabah Tramp ilə görüşə yollanacaqlar
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az -
18 saat əvvəl
Ən ucuz uçuş və otel təkliflərini tap - Bütün səfərlər bir platformada
- 1 gün əvvəl
- 2 gün əvvəl
-
2 gün əvvəl
Tramp: Rusiya müharibəni davam etsə, ciddi nəticələrlə üzləşəcək
-
2 gün əvvəl
İş icazəsi olan 1800 nədərdən çox əcnəbi Azərbaycanın tikinti sahəsində çalışır
- 2 gün əvvəl
- 2 gün əvvəl
- 2 gün əvvəl
-
2 gün əvvəl
“İlin şirkəti” nominasiyasında “Gold Stevie” qazanan ilk Azərbaycan bankı “PAŞA Bank” oldu
Son Xəbərlər

“Kiyev Alyaskada Putin və Trampın sülh şərtlərini rədd edib”

Zelenski və Avropa liderləri sabah Tramp ilə görüşə yollanacaqlar

Tramp: İrəliləyiş var, tam razılaşma yoxdur

Maaş kartını Bank of Baku-ya gətir, üstünlüklər əldə et

Azərbaycanda tikinti materiallarının istehsalı azlıb

“İlin şirkəti” nominasiyasında “Gold Stevie” qazanan ilk Azərbaycan bankı “PAŞA Bank” oldu

Azərbaycanda yığılan minik avtomobilləri bazarda yer tuta bilmir - İSTEHSALDA GERİLƏMƏ

Azərbaycada hər nəfərə orta hesabla 705 manat gəlir əldə edib

VTB (Azərbaycan) uşaqlar üçün beşinci “Yay düşərgəsi” təşkil edib

Əhalinin hər 1000 nəfərinə düşən doğulan körpə sayı azalır

Dövlət büdcəsində 3 milyard 536 milyon manatlıq artıqlıq yaranıb

Putin, iqtisadiyyatı xeyli zəifləmiş vəziyyətdə Alyaskaya gəlir
