SOCAR-ın Türkiyədə yeni obyektinin açılışı olub

“SOCAR Türkiyə”nin Əliağadakı Xüsusi Sənaye Zonası statuslu ərazisində bir obyektin açılış, digərinin isə təməlqoyma mərasimi keçirilib.
SOCAR-ın yaydığı məlumatda bildirilir ki, STAR neft emalı zavodunun xammal və hazır məhsul saxlama potensialını artıracaq obyektlərdən biri istifadəyə verilib, ikincisinin təməli qoyulub.
“SOCAR Türkiyə”nin törəməsi olan və ildə 10 milyon ton xam neft emal gücünə malik STAR zavodunun saxlama tutumunun artırılması məqsədi ilə yeni investisiya layihələri həyata keçirilir. Bunlardan “SOCAR Depolama” terminalında çənlərin genişləndirilməsi layihəsi başa çatdırılaraq istifadəyə verilmiş, STAR neft emalı zavodunun xam neft və ara məhsul çənlərinin potensialını artıracaq layihəyə isə start verilmişdir.
Bu münasibətlə keçirilmiş mərasimdə SOCAR-ın prezidenti Rövnəq Abdullayev, “SOCAR Türkiyə” İdarə Heyətinin sədri Vaqif Əliyev, “SOCAR Türkiyə”nin baş icraçı direktoru Zaur Qəhrəmanov, STAR neft emalı zavodunun və layihədə iştirak edən podratçı şirkətlərin rəhbərləri iştirak etmişlər. Yeni investisiyalar “SOCAR Türkiyə”nin və müştərilərinin istifadə edəcəyi anbarların tutumunu 2,5 milyon kubmetrə çatdırmağa imkan verəcək.
Mərasimdə çıxış edən SOCAR prezidenti Rövnəq Abdullayev SOCAR-ın neft-qaz, emal və neft-kimya sektorlarında investisiyalarını davam etdirdiyini bildirib:
“Ötən ilin oktyabr ayında burada STAR neft emalı zavodunun açılış mərasimini keçirdik. Hələ bir il keçmədən yeni layihələrimiz üçün yenidən Əliağaya toplaşmışıq. Bu bizə qürur verir. Fəaliyətlərimizin mühüm bir hissəsini təşkil edən neft-kimya investisiyalarımız Azərbaycan iqtisadiyyatı üçün əlavə dəyər yaradaraq uzunmüddətli dayanıqlı gəlir mənbəyi təmin edir, eyni zamanda həm bölgəyə, həm də Türkiyəyə böyük mənfəət gətirir”.
Məlumatda qeyd edilib ki, son 10 il ərzində “Petkim”in ümumi gəlirləri 47,2 milyard lirə təşkil etmiş, xalis mənfəəti isə 4 milyard lirəni ötmüşdür. STAR neft emal zavodunda artıq 4 milyon ton xam neft emal olunmuşdur. Cari ilin sonuna qədər bu rəqəm 8 milyon tona çatacaq. SOCAR-ın prezidenti saxlama obyektlərinin tutumunun artırılmasının STAR zavodunun məhsuldarlığına, emal təhlükəsizliyinə və istehsal olunacaq məhsulların bazarda ən optimal kommersiya şərtləri ilə reallaşdırılmasına mühüm töhfə verəcəyini qeyd edib.
TÜRKİYƏNİN 5 BÖYÜK SAXLAMA TERMİNALINDAN BİRİ
Təntənəli mərasim ilə açılışı keçirilən “SOCAR Depolama” terminalında çənlərin genişləndirilməsi layihəsi ümumilikdə 335 000 kubmetrlik tutuma malik 12 çəni əhatə edir. Yeni layihənin həyata keçirilməsi ilə hazırda Egey bölgəsinin ən böyük saxlama terminalı olan bu obyekt Türkiyənin 5 böyük terminalından birinə çevriləcək. Tikintisi 2017-ci ilin sentyabrında başlamış obyekt dizel, benzin, təyyarə yanacağı və reformat məhsullarının saxlanılması üçün nəzərdə tutulub.
Hazırda təməli qoyulan “STAR neft emalı zavodunun xam neft və ara məhsul çənləri” layihəsi isə emal zavodunun anbar tutumunu artırmaqla yanaşı əməliyyat çevikliyini də təmin edəcəkdir. Əlavə 342 000 kubmetr saxlama imkanı yaradan bu növbəti layihənin 2021-ci ilə tamamlanması nəzərdə tutulur.
Müştərilərin xəbərləri
SON XƏBƏRLƏR
- 1 ay sonra
-
20 saat sonra
Həvəskar oyun tərtibatçılarının nəzərinə - növbəti oyun hakatonu keçiriləcək!
- 22 d. əvvəl
-
📲 İndi
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az -
43 d. əvvəl
Quşçuluq və arıçılıq təsərrüfatlarının sığortalanması planlaşdırılır
-
51 d. əvvəl
Mərkəzi Bankda ekspertlər ilə 3 saatdan artıq davam edən görüş baş tutub
-
1 saat əvvəl
SOCAR “Üstyurt”un kəşfiyyatı, işlənməsi və hasilatı üzrə Pay Bölgüsü Sazişini imzaladı
-
1 saat əvvəl
İri bankın Yasamal filialı əvvəlki ünvanında fəaliyyətini bərpa edib
-
1 saat əvvəl
Gəncədə ilk “SOCAR” brendli yanacaqdoldurma stansiyası istifadəyə verilib
-
2 saat əvvəl
"Ferrum Kapital" istiqrazlarının hərracı keçiriləcək: 12 aya 14% gəlir
-
2 saat əvvəl
Bakıda yeni metro stansiyalarının tikintisi ilə bağlı layihələndirilmə işlərinə start verilib
-
2 saat əvvəl
Astara terminalda aparılan tikinti işlərinin bu ilin sonuna qədər yekunlaşdırılması müzakirə olunub
-
2 saat əvvəl
“Legion Financial” şirkətinin səhmlərinə abunə yazılışı başlayır - TARİX
Son Xəbərlər

Sərsəng su anbarının ətrafında turizm infrastrukturu yaradılacaq - Layihə-smeta işlərinə start verilib

Quşçuluq və arıçılıq təsərrüfatlarının sığortalanması planlaşdırılır

İri bankın Yasamal filialı əvvəlki ünvanında fəaliyyətini bərpa edib

Bakıda yeni metro stansiyalarının tikintisi ilə bağlı layihələndirilmə işlərinə start verilib
Ən çox oxunanlar

Astara terminalda aparılan tikinti işlərinin bu ilin sonuna qədər yekunlaşdırılması müzakirə olunub

Azərbaycan neftinin son qiyməti

Rəsmi məzənnələr açıqlandı

SOCAR-ın prezidenti "Emerson Electric Co." şirkətinin Avropa regionu üzrə prezidenti ilə görüşüb_

Azərbaycan bankları ödənişlərdə "Az-QR" standartına keçəcək
