“Marcom” şirkəti turizmin inkişafına dəstək olacaq

“Marcom” şirkəti turizmin inkişafına dəstək olacaq

Azərbaycan və Gürcüstan bazarında 26 marketinq xidməti ilə təmsil olunan “Marcom” Marketinq və Kommunikasiya şirkəti ölkədə turizm sektorunun inkişafına öz dəstəyini göstərəcək. Şirkət Marketinq audit və konsultasiya xidməti çərçivəsində ölkədə fəaliyyət göstərən otellər və turizm şirkətlərinə öz işlərini daha təkmil qurmaları üçün marketinq istiqamətində yardımçı olacaq.

Şirkətin icraçı direktoru Ceyhun Fərzəliyevin sözlərinə görə marketinq istiqamətində həmin şirkətlərə dəstək göstərmək həm şirkətlərin, həm də sektorun daha da sürətlə inkişafına müsbət təsir göstərəcək:

“Biz ölkəmizin turizm potensialını xarici turistlərə təqdim edən turizm agentliklərinə, otellərə istifadə etdikləri müxtəlif reklam alətlərini daha effektiv necə istifadə edə bilmələri ilə bağlı öz təcrübəmizi paylaşmağa hazırıq. Araşdırmalarımız göstərir ki, bu istiqamətdə fəaliyyət göstərən şirkət və otellərin marketinq fəaliyyətində ciddi boşluqlar mövcuddur. Boşluqlar isə əsasən veb platformaların olmaması və ya google axtarış sisteminin standartlarına uyğun düzgün formada qurulmaması, unikal kontentin azlığı, SEO Optimizasiya işlərinin aparılmaması, o cümlədən CRM bazalarının olmaması ilə bağlıdır. Turizm istiqamətində fəaliyyət göstərən şirkətlər və otellər marketinqin bu və digər istiqamətləri üzrə Marcom şirkətinə müraciət edərək ödənişsiz konsultasiya alıb, öz işlərini daha da təkmil şəkildə qura bilərlər”.

Şirkətin icraçı direktoru maarifləndirmə və dəstək xarakterli işlərin gələcəkdə digər sahələr üzrə də aparılacağını açıqladı.

Qeyd edək ki, “Marcom” Marketinq və kommunikasiya şirkəti bazarda bu ilin sonuna kimi öz platforması daxilində daha 3 yeni xidmətin yaradılması üzərində çalışır. Yaradılacaq yeni marketinq alətləri şirkətlərin vaxtına qənaət etmək məqsədi daşıyacaqdır.

23.09.2019 06:10

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az