Honq Konqda İyun ayından bu yana davam edən etiraz aksiyalarında Bazar günü polis və nümayişçilər arasında gərginlik artıb və bir polis silahını çəkərək xəbərdarlıq atəşi açıb.
 

"Marja"nın məlumatına görə, BBC-də yer alan xəbərə görə, Çinə bağlı Honq Konq muxtar respublikasında hadisələrdə çoxlu sayda polisin silahlarını nümayişçilərə yönəltdiyi görülüb. Sosial mediada paylaşılan görüntülərdə nümayişçilərin daş və dəyənəklərlə polisi qovduğu görünür. Polislərin bu hadisədən sonra silahdan atəş açdığı bildirilir.
 

Bazar günü aksiyalarda Honq Konq polisi ilk dəfə nümayişçilərə İctimai hadisələrə müdaxilə vasitələrilə (zirehli avtomobil) müdaxilə edib. 
 

İyun ayında Honq Konqda hər hansı bir günahına görə həbs edilən şübhəlilərin Çinə təhvil verilməsini nəzərdə tutan qanun layihəsi, etiraz aksiyalarının başlamasına səbəb olmuşdur. Minlərlə adam qanunun Honq Konqun muxtar statusunu pozduğunu bildirərək küçələrə çıxmışdır.
 

Ancaq növbəti həftələrdə etirazlar geniş hökumət əleyhinə mitinqlərə çevrilib.
 

Polisin silah istifadə etdiyi iddialarına cavab verən Honq Konq polisi, bir polisin xəbərdarlıq atəşi açdığını bildirib. Həmçinin açıqlamada çoxlu sayda polisin yaralandığı və xəstəxanaya aparıldığı da bildirilib.
 

Ancaq Polis rəisi Leung Kwok-wing, silahını işə salan polisin nümayişçilərə doğru nişan alıb almadığı sualına cavab verməyib.
 

Sosial mediada paylaşılan videolardan birində polis və nümayişçilər arasında baş verən dava-dalaş zamanı yaşlı bir adam dizləri üstə çökmüş halda silahını çəkmiş bir polis tərəfindən təpikləndiyi görünür.

Bu qarşıdurma başlamamışdan əvvəl qara paltarlı nümayişçilərin polisə kərpic və molotov kokteylləri atdığı görülmüşdü.

 
Polis və nümayişçilər arasında çıxan bu qarşıdurmalar, aksiyaların başladığı İyun ayından bu yana baş verən ən böyük zorakılıq hadisələri kimi qeydə alınıb.

 
Nümayişçilərə bibər qazı və plastik güllər ilə müdaxilə edən Honq Konq polisi, barrikadaları aşmaq üçün isə iki zirehli avtomobil istifadə edib.
 

Yenə sosial mediada paylaşılan görüntülərdə zirehli avtomobillərin nümayişçilərin qurduğu barrikadaların üstünə getdiyi görünür.

 
Honq Konq polisi zirehli avtomobillərin yalnız geniş miqyaslı kütləvi aksiyaların nəzarətdən çıxmasının qarşısını almaq məqsədilə istifadə edilə bilinəcəyini açıqlamışdı.
 

Ancaq Beynəlxalq Amnistiya Təşkilatı, zirehli avtomobillərin istifadə edilməsi nəticəsində nümayişçilərin ciddi şəkildə yaralanması riskinin olduğunu açıqlamış, bu vəziyyətin gərginliyi artıracağı xəbərdarlığını etmişdi.

 
Çin rəhbərliyi əleyhdarı olan nümayişçilər, polisi nisbətsiz güc istifadə etməkdə günahlandırır və çoxlu sayda adamın yaralandığını bildirirlər.

Honq Konq, "iki sistem, vahid dövlət" prinsipi altında idarə olunan keşmiş bir İngiltərə müstəmləkəsidir.
 

Bu yarı muxtar respublika, İngiltərənin 1842-ci ildə başlayan müstəmləkə idarəetməsindən sonra 1 İyul 1997-ci ildə yenidən Çinin hakimiyyəti altına düşmüşdür.
 

Ancaq Honq Konqda mətbuat azadlığı və məhkəmə müstəqilliyi hüquqi təminat altındadır.
 

Nümayişçilər mübahisəli ekstradisiya qanun layihəsinin qüvvəyə minməsi halında Honq Konqluların azadlıqlarının məhdudlaşacağını və qanunun müxaliflərin susdurulması üçün istifadə ediləcəyini iddia edirlər.

Hong Kong police violence is indiscriminate. An elderly knelt on the ground and begged Hong Kong police to stop shooting. But riot police just kicked forcefully right on his crotch. All show that Hong Kong is turning into a police state.#antiELAB#HongKongProtestspic.twitter.com/BjOE7II3OQ

— Demosistō 香港眾志 (@demosisto) 25 августа 2019 г.