Orta bazar qiymətinə satın alınmış məhsullar yarmarkalara çıxarılıb

Orta bazar qiymətinə satın alınmış məhsullar yarmarkalara çıxarılıb

Regionlardan orta bazar qiymətinə satın alınmış məhsullar Novruz bayramı münasibəti ilə təşkil edilən yarmarkalara çıxarılıb.

“Ərzaq məhsullarının tədarükü və təchizatı” Açıq Səhmdar Cəmiyyəti fəaliyyətə başladığı gündən torpaq adamlarının iqtisadi maraqlarını qorumağa çalışır və bu məqsədlə qurumun yerli strukturları tərəfindən hər həftə kənd təsərrüfatı məhsulları fermerlərdən tədarük olunaraq paytaxtdakı yarmarkalarda istehlakçılara təklif edilir. Novruz bayramının başlaması ilə bağlı olaraq qurum tədarük prosesini daha da gücləndirib, region fermerlərindən tədarük olunaraq paytaxta gətirilən məhsulların həcmi artırılıb.

“Ərzaq məhsullarının tədarükü və təchizatı” Açıq Səhmdar Cəmiyyəti Novruz bayramının başlaması ilə bağlı olaraq regionlarda yerli fermerlərdən tədarük olunmuş kənd təsərrüfatı məhsullarının yarmarkalarda satışına başlayıb. Bu gün ölkənin bir sıra regionlarından toplanmış kənd təsərrüfatı məhsulları paytaxtın bir neçə yerində təşkil edilmiş yarmarkalara çıxarılıb. Cəmiyyətin nəqliyyat vasitələri tərəfindən regionlardan daşınaraq paytaxta gətirilən məhsullar fermerlərdən orta bazar qiymətinə alınır. Yarmarkaların keçirildiyi ünvanlar:

Binəqədi rayonu

- Dərnəgül yaşayış sahəsi, 6 saylı peşə litseyinin həyəti;

Xətai rayonu

- Bakı kinoteatrının yanı;

Sumqayıt şəhəri

Köhnə avtovoğzalın ərazisi.

Təşkil olunmuş yarmarkalara Cəmiyyət tərəfindən 100 tondan artıq kənd təsərrüfatı məhsulları təklif olunub. İstehlakçılara bayram günlərində eyni həcmdə və bol çeşiddə məhsullar təklif olunur.

“Ərzaq məhsullarının tədarükü və təchizatı” Açıq Səhmdar Cəmiyyəti işini fasiləsiz quraraq bayram günlərində paytaxt əhalisinin ucuz və keyfiyyətli kənd təsərrüfatı məhsulları ilə təmin olunmasına çalışacaqdır.

16.03.2017 08:21

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az