Gələn il sürücüsüz taksi xidmətini işə salacaq

Gələn il sürücüsüz taksi xidmətini işə salacaq

Gələn il sürücüsüz taksi xidmətini işə salacaq

Dünyanın ən böyük elektrikli avtomobil istehsalçılarından biri olan Tesla, gələn il sürücüsüz taksi xidməti göstərməyə başlayacağını açıqlayıb.

"Marja" "Venturebeat.com"a istinadən xəbər verir ki, ilk dəfə üç il əvvəl şirkətin İcraçı direktoru Elon Musk tərəfindən bir ideya kimi ortaya atılan layihə elektrikli Tesla avtomobillərindən bir şəbəkə yaradılması ilə həyata keçiriləcək.

VTB-də yüksək depozit faizləri daha çox qazandırır

Musk sərmayəçilərə etdiyi bir təqdimatda layihədə iştirak edəcək avtomobillərin, Tesla-nın avtopilot proqram təminatından istifadə edəcəyini söyləyib. Başlanğıcda yalnız Model 3 və Model S vasitələrin qoşula biləcəyi xidmət hər yerdə eyni vaxtda başlamayacaq.

Hər Tesla sahibi, avtomobilini qurulacaq "şəbəkə"yə (network) əlavə edib-çıxartmaqda və şəbəkəyə daxil olduqda bundan gəlir əldə etməkdə azad olacaq. Tesla, avtomobil sahiblərinin əldə etdiyi gəlirdən 25-30 faiz komissiya alacaq. Kifayət qədər Tesla sahibinin olmadığı regionlarda şirkət öz avtomobilləri ilə layihəyə dəstək verəcək.

Tesla-nın sürücüsüz taksi xidmətini istifadə etmək istəyən müştərilər mobil bir tətbiq ilə avtomobilləri park yerlərindən çağıracaq. İcraçı direktor Elon Musk, gələcək bir il yarım ərzində sistemə daxil olan avtomobil sayının 1 milyona çatmasını gözləyir.

Tesla, sürücüsüz taksidə xərcin mil (1.6 km) başına 0.18 dollar olmasını gözləyir. Hazırda fəaliyyət göstərən proqramlarda bu xərc 2-3 dollar arasında dəyişir. Şirkət avtomobil sahiblərinin isə mil başına 0.65 dollar və ya illik orta hesabla 30 min dollar xalis qazanc əldə edə biləcəyini hesablayır.

Həmçinin Musk, 2 il ərzində sükan və pedalları olmayan avtomobillər istehsal edəcəklərini və bu yeni modellərin orta hesabla 25 min dollara olacağını açıqlayıb.

23.04.2019 13:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az