"Moody's Analytics"in Baş iqtisadçısı Mark Zandi, ABŞ və Çinin 3 ay ərzində ticarət müqaviləsi bağlamaması halında qlobal iqtisadiyyatın durğunluğa girəcəyi barədə xəbərdarlıq edib.
 
 
"Marja" xəbər verir ki, Zandi, "ABŞ və Çin yaxın 3 ay ərzində razılaşmasa qlobal iqtisadiyyatın durğunluğa girəcəyi ehtimalı böyükdür",- deyib. 

 
Zandinin bu proqnozu, dünyanın ən böyük iki iqtisadiyyatının keçən il başlayan ticarət "müharibələrinin" iş dünyasının etibarını fövqəladə pisləşdirdiyi bir dövrə təsadüf edir.

CNBC-yə danışan Zandi apardıqları bir sorğunun, müəssisələrin etibarının 10 il əvvəlki böhranın sonundan bu yana ən aşağı səviyyədə olduğunu göstərdiyini bildirib. Güman ki, bu pisləşməyə ticarət "müharibələrinin" səbəb olduğunu deyib.

2 ölkənin 3 ay ərzində razılaşmamasının bir durğunluğu mümkün hala gətirəcəyini bildirən Zandi, "Bir saziş olmasa bu şirkətlərin narahatlıqlarını daha da artıracaqdır. İşə qəbullar azalır. İşsizlik yüksəlir, istehlakçıların iqtisadiyyata olan etibarı azalır", - deyib. 

TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!

​Zandi,"artan iqtisadiyyatla durğunluq arasındakı fərq sadəcə iqtisadiyyata göstərilən etimaddır. Əgər etimadı itirsəniz, heç bir Mərkəzi Bankı da bunu yenidən bərpa edə bilməz. Elə bu da durğunluqdur",- deyə əlavə edib. 

Bir ölkə iqtisadiyyatında (Ümumi Daxili Məhsulunda (ÜDM)) ən azı ardıcıl iki azalmanın baş verməsinə durğunluq deyilir. Başqa sözlə, durğunluq iqtisadiyyatda azalma, tənəzzül vəziyyətidir. Belə bir şəraitdə; İqtisadiyyat impulsunu itirir, tələb azalır və ümumiyyətlə, bir pessimizm havası hakim olur. İqtisadi artım nisbətindəki hər 1 bəndlik geriləmə, 80-100 min nəfərlik bir işsiz kütləsinin iş tapmasını əngəlləyir.

DURĞUNLUĞUN TƏSİRLƏRİ NƏLƏRDİR?
 
-Ölkə iqtisadiyyatı kiçilir,
 
-Ölkənin yerli pul vahidi dəyər itirir,
 
-İdxal məhsulların qiymətləri artır və idxal mənşəli bir inflyasiya təzyiqi yaranır. Bu səbəbdən xalqın alıcılıq qabiliyyəti azalır,
 
-Sənaye istehsalında azalma yaşanır və işsizlik nisbəti artır,
 
-Birja və valyuta bazarlarına ciddi zərər verir.