Qlobal neft hasilatının azaldığı açıqlandı - NEFT BAHALAŞDI

Qlobal neft hasilatının azaldığı açıqlandı - NEFT BAHALAŞDI

Qlobal neft hasilatının azaldığı açıqlandı - NEFT BAHALAŞDI

Qlobal neft hasilatı ötən ilin Dekabr ayında Noyabr ayı ilə müqayisədə 950 min barrel azalaraq gündəlik təxminən 100 milyon 600 min barrelə enib.

"Marja" xəbər verir ki, Beynəlxalq Enerji Agentliyinin aylıq neft bazarı hesabatına görə, Neft İxrac Edən Ölkələr Təşkilatının (OPEC) xam neft istehsalı gündəlik 590 min barrel azalaraq 39 milyon 400 min barel olub.

Dekabrda OPEC daxilində ən çox istehsal artımı Anqola, Nigeriya və Qabonda olub. Nigeriyada neft hasilatı 400 min barrel artaraq 1 milyon 660 min barelə, Anqolada da 400 min barrel artaraq gündəlik 1 milyon 480 min barelə yüksəlib. Qabonda isə gündəlik hasilat 200 min barel artımla 1 milyon 60 min barrelə qalxıb.

Hesabata görə, ötən ay OPEC daxilində ən çox istehsal azalması Səudiyyə Ərəbistanında baş verib. Səudiyyə Ərəbistanının gündəlik neft hasilatı 420 min barrel azalaraq 10 milyon 640 min barrelə enib.

İran və Liviya da neft hasilatı azalıb. Dekabrda İranda gündəlik hasilatı 170 min barrel azalma ilə 2 milyon 800 min barelə, Liviyada isə 120 min barrel azalma ilə 990 min barrelə enib.

Dekabrda OPEC-ə üzv olmayan ölkələrin neft hasilatı isə 360 min barrel azalaraq 61 milyon 200 min barel olub. Beləliklə, qlobal neft hasilatı Dekabrda əvvəlki ayla müqayisədə 950 min barrel azalaraq gündəlik təxminən 100 milyon 600 min barrelə enib.

Hesabata görə, bu il OPEC-ə üzv olmayan ölkələrin neft hasilatın ötən illə müqayisədə gündəlik orta hesabla 1 milyon 600 min barrel artaraq 62 milyon 100 min barelə yüksələcək.

2019-da tələbat artacaq

Bu il qlobal neft tələbinin gündəlik orta hesabla 1 milyon 400 min barel artımla 100 milyon 700 min barrelə yüksələcəyi proqnozlaşdırılır.

Qlobal neft hasilatının azaldığının açıqlanmasından sonra neft qiymətləri yüksəlib. Brent nefti 2,5% bahalaşaraq 62,70 dollara qalxıb.

19.01.2019 07:00

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az