Türkiyə Prezidenti Rəcəb Tayyib Ərdoğanın, Türkiyənin bir neçə günə Fərat çayının şərqinə hərbi əməliyyata başlayacağı barədə açıqlamasına ABŞ Müdafiə Nazirliyi (Pentaqon) münasibət bildirib.

"Suriyanın şimal-şərqinə xüsusilə də ABŞ əsgərlərinin yerləşdiyi və ya yaxınlığında olduğu regionlara doğru atılacaq təktərəfli bir addım böyük bir qayğıdır və bu cür addımları qəbuledilməz olaraq düşünürük" - ABŞ Müdafiə Nazirliyinin sözcülərindən Sean Robertson bildirib. 

"Marja" xəbər verir ki, "Anadolu" agentliyinə açıqlama verən Pentaqon sözçülərindən mayor Sean Robertson regiondakı təhlükəsizlik qayğılarının yeganə həllinin ABŞ ilə Türkiyə arasındakı koordinasiya və qarşılıqlı həmrəylik olduğunu bildirib.

 
Robertson, iki ölkə arasında koordinasiya, əməkdaşlıq və həmrəylik üçün Türkiyə ilə yaxın işləməyə və Suriya Yüksək Səviyyəli İşçi Qrupunun işinə sadiq olduqlarını qeyd edib.

 
Sərhəd bölgələrində təhlükəsizliyin dialoqla davamlı olduğunu qeyd edən Robertson, "Koordinasiyasız hərb əməliyyatlar ortaq məqsədlərin altını oyacaqdır", -ifadələrini istifadə edib.

Türkiyənin on illərdir əhəmiyyətli bir NATO müttəfiqi və İŞİD ilə mübarizədə qlobal koalisiyanın mühüm bir tərəfdaşı olduğuna diqqət çəkən sözçü, "Bir-birimizin təhlükəsizliyindən cavabdehik və Türkiyənin sərhəd təhlükəsizliyinə tamamilə sadiqik",-ifadələrinə yer verib.

Robertson, İŞİD ilə mübarizənin davam etdiyinə diqqət çəkərək "Koalisiya qüvvələri hazırda Orta Fərat Vadisində İŞİD-ə qarşı qarşıdurmanın ortasında olan Suriya Demokratik Qüvvələri ilə yaxından işləyir",- deyib.

 
Sözçü, "Bu həlledici mərhələdə İŞİD-in o bölgədə nəfəs almasına icazə verə bilmərik və verməyəcəyik. Yoxsa koalisiya tərəfdaşlarımızla əldə etdiyimiz təcrübələrimizi təhlükəyə atacağıq və İŞİD təkrar ortaya çıxmaq riskinə yol vermiş olacağıq",-deyib.

Prezident Rəcəb Tayyib Ərdoğan bunları qeyd etmişdi:

 
"Bizim nə Amerika rəhbərliyinə, nə də Suriyadakı Amerika əsgərlərinə qarşı bir ədavətimiz bu günə qədər olmadı. Hər şeyə baxmayaraq Amerikanı, düzgün əsaslarda görüşməyimiz şərtilə gələcəkdə də birlikdə yol gedəcəyimiz strateji müttəfiqimiz kimi görürük. Ölkəmizin davamlılıq məsələsi olaraq gördüyümüz Suriya siyasətində dərin fikir ayrılıqlarımız gələcəkdəki daha böyük iş birliklərimizin qarşısında bir mane olmasına yol verməməliyik. Bu anlayışla Fəratın şərqini separatçı terror təşkilatından xilas etməyə yönəlmiş hərəkatımıza bir neçə gün ərzində başlayacağımızı ifadə etmişik, edirik. Hədəfimiz heç vaxt Amerika əsgərləri deyil, regionda fəaliyyət göstərən terror təşkilatı nümayəndələridir. Bunu da xüsusi qeyd edirəm".