Azərbaycanda şənbə və bazar avtomobil sürmək daha təhlükəlidir

Azərbaycanda şənbə və bazar avtomobil sürmək daha təhlükəlidir

Azərbaycanda şənbə və bazar avtomobil sürmək daha təhlükəlidir

Qəzaların yarıya yaxını avtomobillərin yollarda az olduğu gecə vaxtı baş verir.

2018-ci ilin yanvar-sentyabr aylarında ölkənin avtomobil yollarında 1284 və ya 2017-ci ilin müvafiq dövrü ilə müqayisədə 3,7 faiz az yol-nəqliyyat hadisəsi baş vermiş, bu hadisələr nəticəsində zərər çəkən şəxslərin sayı 2,4 faiz azalaraq 1771 nəfər olmuşdur.

Dövlət Statistika Komitəsinin yaydığı məlumata görə, onlardan 527-si həlak olmuş, 1244-ü isə yaralanmışdır.

Hadisələrin 40,4 faizi gündüz, 40,0 faizi gecə (avtomobillərin yollarda azaldığı vaxt), 19,6 faizi isə toran vaxtı baş vermiş, 29,3 faizi həftənin şənbə və bazar günlərinə təsadüf etmişdir.

Yol-nəqliyyat hadisələrinin 89,5 faizi yaşayış məntəqələrində baş vermiş, bu hadisələr nəticəsində həlak olanların sayı ötən ilin müvafiq dövrünə nisbətən 9,7 faiz artaraq 407 nəfər, yaralananların sayı isə 0,8 faiz azalaraq 1172 nəfər olmuşdur.

YAPI KREDİDƏN 3 FAİZ ENDİRİMLƏ KREDİT!

Yol-nəqliyyat hadisələrinin və zərərçəkənlərin sayı

Göstəricinin adı	2018-ci ilin yanvar-sentyabr aylarında, vahid	2017-ci ilin yanvar-sentyabr aylarına nisbətən, faizlə
Bütün yol-nəqliyyat hadisələri – cəmi	1284	96,3
Məkanına görə:
magistral avtomobil yollarında	135	80,4
yaşayış məntəqələrində	1149	98,5
İşıqlılıq vəziyyətinə görə:
gündüz vaxtı	519	86,8
toran vaxtı	252	122,9
gecə vaxtı	513	96,6
Yol örtüyünün vəziyyətinə görə
quru yol örtüyü	1290	96,1
digər (yaş, buz və s.)	54	100,0
Zərərçəkənlərin sayı, nəfər	1771	97,6
həlak olanlar	527	95,1
yaralananlar	1244	98,7

Bütün yol-nəqliyyat hadisələrinin 44,1 faizi (ötən ilin müvafiq dövrü ilə müqayisədə 12,4 faiz az) nəqliyyat vasitələrinin və piyadaların, 34,6 faizi (5,5 faiz çox) bir neçə nəqliyyat vasitəsinin, 21,3 faizi (2,6 faiz çox) bir nəqliyyat vasitəsinin iştirakı ilə baş vermişdir.

Yol-nəqliyyat hadisələri nəticəsində həlak olanların 77,2 faizini, yaralananların isə 74,5 faizini kişilər təşkil etmişdir.

Nəqliyyat vasitələrinin sərxoş vəziyyətdə idarə olunması səbəbindən ölümlə və ya bədən xəsarəti alınması ilə nəticələnən 32 hadisə baş vermiş, nəticədə 13 nəfər ölmüş, 31 nəfər yaralanmışdır. Belə hadisələrin 71,9 faizi minik avtomobillərinin sürücüləri tərəfindən törədilmişdir.

13.11.2018 13:40