Palatanın dövründə bank sektoru necə dəyişir?

Palatanın dövründə bank sektoru necə dəyişir?

Palatanın dövründə bank sektoru necə dəyişir?

Maliyyə Bazarlarına Nəzarət Palatası 30 Sentyabr 2018-ci il tarixinə bank sektorunun icmal göstəricilərini açıqlayıb.

“Marja” nın məlumatına görə, ötən ilin 30 Sentyabr tarixi ilə müqayisədə bank sektorunun aktivləri, o cümlədən müştərilərə verilən kreditlər cüzi artsa da, sektor üzrə gəlirlər və xalis mənfəət artmayıb. Bank sektorunun aktivlərinin artmasının əsas səbəbi bankların qiymətli kağızlara (Mərkəzi Bankın notlarına və dövlət istiqrazlarına) investisiyalarını artırmalarıdır. Həmçinin bankların bir-birlərinə yerləşdirdikləri depozitlər də artıb və bu da aktivlərin artmasına təsir göstərib.

Qısası, bank sektorunun kredit aktivliyi hələ də güclü bərpa olunmayıb. Sektorun aktivlərinin artması kreditlərin artması ilə bağlı deyil.

Banklar ötən ilin 9 ayı ilə müqayisədə 2018-ci ilin 9 ayında daha az gəlirlər əldə ediblər. Sektorun xalis mənfəəti də aşağı düşüb.

Ətraflı aşağıdakı müqayisəli cədvəllərdən tanış ola bilərsiniz.

1. Bank sektorunun icmal balansı

(mln manatla)

Aktivlər	30.09.2017	30.09.2018
1. Nağd vəsaitlər	1,413.3	1,377.7
2. Mərkəzi Bankda müxbir hesablar*	2,715.1	2,408.5
3. Nostro hesablar (başqa banklardakı müxbir hesablar)	2,046.0	2,057.6
4. Banklar da daxil olmaqla, maliyyə institutlarındakı depozitlər	5,826.6	6,859.2
5. Qiymətli kağızlar	1,320.0	3,366.0
6. Banklar da daxil olmaqla, maliyyə institutlarına kreditlər	292.6	239.5
6.1 xalis kreditlər	213.7	223.5
7. Müştərilərə verilən kreditlər	11,966.9	11,901.4
7.1 Kreditlər üzrə mümkün zərərlərin ödənilməsi üçün məqsədli ehtiyat	1,685.1	1,648.4
7.2 Xalis kreditlər	10,281.8	10,252.9
8. Əsas vəsaitlər	807.0	890.1
9. Qeyri-maddi aktivlər	129.0	130.7
10. Digər aktivlər (məqsədli ehtiyatlar çıxılmaqla)	1,410.9	1,635.6
11. Cəmi aktivlər	26,163.6	29,201.8
Öhdəliklər
1. Depozitlər (maliyyə institutları istisna olmaqla)	15,362.4	18,249.3
1.1 Fiziki şəxslərin depozitləri	6,999.5	8,114.9
1.1.1 müddətli	5,136.8	5,548.1
1.1.2 tələbli	1,862.7	2,566.8
1.2 Hüquqi şəxslərin depozitləri**	8,362.9	10,134.4
1.2.1 müddətli	1,905.7	1,830.8
1.2.2 tələbli***, o cümlədən	6,457.2	8,303.6
- sahibkarlıqla məşğul olan fiziki şəxslərin depozitləri		84.2
2. Mərkəzi Bankın banklara qarşı tələbləri	570.8	409.3
3. Loro hesablar	211.7	194.7
4. Maliyyə institutlarının depozitləri	1,703.2	1,224.8
5. Bankların kreditləri	166.0	80.9
6. Digər maliyyə institutlarının kreditləri	2,022.5	1,938.0

7. Banklar tərəfindən buraxılmış qiymətli kağızlar	1,903.2	1,833.6
8. Digər passivlər****	1,205.2	1,158.4
9. Cəmi öhdəliklər	23,145.0	25,089.0

KAPİTAL
10. Xüsusi kapital	2,775.0	3,868.7
11. Ümumi ehtiyatlar	243.6	244.1
12. Cəmi kapital	3,018.6	4,112.8
13. Cəmi öhdəliklər və kapital	26,163.6	29,201.8

Qeyd: Prudensial hesabatlılıq metodologiyası əsasında hazırlanmışdır. Sahibkarlıqla məşğul olan fiziki şəxslərin depozitləri hüquqi şəxslərin depozitlərində əks olunmuşdur

* Mərkəzi Bankdan cəlb olunmuş kreditlər üzrə girov qismində iştirak edən bloklaşdırılmış xarici valyutada vəsaitlər daxil olmaqla

** Mərkəzi idarəetmə və bələdiyyə idarəetmə orqanlarının depozitləri daxil olmadan, fərdi sahibkarlıqla məşğul olan fiziki şəxslərin depozitləri daxil olmaqla

*** Qeyri-bank maliyyə institutlarının cari hesabları daxil olmaqla

**** Fiziki şəxslərin subordinasiya xarakterli depozitləri nəzərə alınmaqla

Cədvəl 2. Mənfəət və zərər haqqında hesabat (Bank sektoru üzrə)

(mln manatla)

Mənfəət və zərər maddələri	30.09.2017	30.09.2018
1. Faiz və gəlirlərin bu qəbildən olan növləri	1,437.3	1,288.3
1.1 Kreditlər üzrə faizlər	1,058.2	899.4
2. Faiz və onlara bağlı xərclər	687.8	441.1
2.1 depozitlər üzrə faizlər	284.5	288.6
3. Xalis faiz gəliri (zərəri)	749.6	847.2
4. Qeyri-faiz gəlirləri	779.7	393.3
5. Qeyri-faiz xərcləri	708.5	731.4
6. Əməliyyat mənfəəti (zərəri)	820.8	509.1
7. Aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar (xərclər)	321.3	313.7
8. Digər gəlirlər (xərclər)	2.9	1.2
9. Vergilər ödənilənədək mənfəət (zərər)	502.4	196.6
10. Mənfəətdən vergilər	22.7	24.8
11. Xalis mənfəət (zərər)	479.7	171.8

Cədvəl 3. Maliyyə bazarlarının iştirakçıları haqqında ümumi məlumat

(Banklar)

	30.09.2017	30.09.2018
Bankların sayı	31	30
Dövlət bankları	2	2
Özəl banklar	29	28
Xarici kapitallı banklar	16	15
nizamnamə kapitalının 50%-dən 100% -ə qədərini təşkil edən	8	8
- xarici bankların yerli filialları	2	2
nizamnamə kapitalının 50%-dən az olan hissəsini təşkil edən	8	7
İlin əvvəlindən lisenziya alan bankların sayı	0	0
İlin əvvəlindən lisenziyası ləğv edilmiş bankların sayı	1	0
Bankların filiallarının sayı	557	511
Bankların şöbələrinin sayı	142	143
ATM-lərin sayı	2,486	2,479
İşçilərin sayı	16,340	17,066

29.10.2018 04:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az