Azərbaycanda 92 lizinq şirkəti var

Azərbaycanda 92 lizinq şirkəti var

Vergilər Nazirliyi indiyə qədər adında "lizinq" (eləcə də "leasing") sözü olan 92 şirkəti dövlət qeydiyyatına alıb.

VTB-də yüksək depozit faizləri daha çox qazandırır

Bu barədə nazirlik yanında kommersiya qurumlarının dövlət reyestrindən məlum olur.

Lizinq şirkətlərindən 3-ü dövlətə məxsusdur. Bunlar Kənd Təsərrüfatı Nazirliyi yanında “Aqrolizinq” ASC, “Naxçıvan Aqrolizinq” ASC və “Azərbaycan Beynəlxalq Bankı” ASC-nin 100% törəməsi olan “Beynəlxalq Lizinq” QSC-dir.

Sonuncu ilə yanaşı, Azərbaycanda banklara məxsus olan daha 7 lizinq şirkəti var. Bunlar “AGLizinq” QSC, “Atalizinq” ASC, “Günay Lizinq” MMM, “Azərbaycan Sənaye Lizinq”, “Azlizinq”, “NBC Lizinq” və “Turan Lizinq” MMC-lərdir.

Bəzi lizinq şirkətlərini isə banklarla onlarla eyni holdinqdə təmsil olunmaları, eyni ofisdə fəaliyyət göstərmələri, səhmdarlarının (təsisçilərinin) eyni şəxslər olmaları bağlayır. Bu baxımdan “Qafqaz Lizinq” MMC “Bank of Baku” ASC-yə, “BTB Lizinq” ASC “Bank BTB” ASC-yə, “Deka Lizinq”, “Standard Lizinq” və “Star Lizinq” MMC-lər isə müvafiq olaraq ləğv prosesində olan “Deka Bank”, “Bank Standard” və “Gəncə Bank” ASC-lərə yaxındır.

Azərbaycandakı lizinq şirkətlərinin bəzilərinin səhmdarları isə xarici hüquqi və fiziki şəxslərdir. Məsələn, "Ansar Leasing" ticarət nişanı adı altında fəaliyyət göstərən "Azərbaycan Lizinq Şirkəti" MMC-nin təsisçisi 100% Özəl Sektorun İnkişafı üzrə İslam Korporasiyası, “MCB Lizinq” QSC-nin səhmdarı 99,94% Pakistanın "MCB Bank Ltd." şirkəti, "Parex Leasing and Factoring" MMC-nin təsisçisi isə 100% Latviya vətəndaşı İqor Osipenkodur.

SEMİNARA QATIL, ÖZÜNƏ YATIRIM ET

28.09.2018 06:50

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az