"Bank Respublika"da paylar yenidən dəyişib

"Bank Respublika"da paylar yenidən dəyişib

"Bank Respublika"da paylar yenidən dəyişib

"Bank Respublika" ASC-nin səhmdarlarının pay bölgüsü yenidən dəyişib.

Bu barədə Maliyyə Bazarlarına Nəzarət Palatası yanında Məlumatların Elektron Açıqlanması Sistemində yerləşdirilmiş məlumatdan məlum olur.

Məlumata görə, dəyişilik Bankın nizamnamə kapitalının 6 000 001 manat və yaxud 8,89% artırılaraq 73 461 089,1 manata çatdırılması nəticəsində baş verib.

Belə ki, kapital artımı üçün dövriyyəyə hər birinin nominal dəyəri 2,45 manat olan 2 448 980 ədəd sənədsiz, adlı yeni səhm buraxılıb. "Azfinance İnvestisiya Şirkəti" QSC-nin vasitəçiliyi ilə bağlanmış insayder əqdləri nəticəsində qiymətli kağızları "Bank Respublika"nın 2 səhmdarı - Almaniyanın "DEG" investisiya şirkət və Bankın əsas sahibi və Müşahidə Şurasının (MŞ) üzvü olan Natiq Saday oğlu Quliyev müvafiq olaraq 2 428 571 və 20 409 ədəd olmaqla əldə edib.

PULSUZ DEMO HESABI İLƏ FOREX-İ RİSKSİZ ÖYRƏNİN!

Son nəticədə onların "Bank Respublika"dakı payı müvafiq olaraq 9,2550%-dən 16,5986%-ə və 53,7243%-dən 49,4044%-ə dəyişib.

Bundan başqa, Almaniyanın "Sparkassen International Development Trust" şirkətinin payı 4,6275%-dən 4,2495%-ə, Elçin Saday oğlu Quliyevin (MŞ-nın üzvü) payı 8,4268%-dən 7,7385%-ə, Sevda Saday qızı Quliyevanın payı 8,0669%-dən 7,408%-ə, Saday Əsəd oğlu Quliyevin payı 7,9755%-dən 7,3241%-ə, Mariya Heydər qızı Quliyevanın payı 7,8113%-dən 7,1733%-ə, digər 3 hüquqi və 9 fiziki şəxsin payı isə 0,1127%-dən 0,1035%-ə dəyişib.

Başqa sözlə, Almaniya şirkətləri "Bank Respublika"da payını 13,88%-dən 20,85%-ə çatdırıb, Quliyevlər ailəsi isə payını 86%-dən 79,05%-ə endirib.

“Bank Respublika”nın səhmdarlarının pay bölgüsü
Səhmdarlar	Əvvəl		İndi
Səhmdarlar	Səhm sayı	Faiz nisbəti	Səhm sayı	Faiz nisbəti
"DEG" investisiya şirkəti (Almaniya)	2 548 372	9,2550%	4 976 943	16,5986%
"Sparkassen International Development Trust" şirkəti (Almaniya)	1 274 179	4,6275%	1 274 179	4,2495%
Natiq Saday oğlu Quliyev	14 793 070	53,7243%	14 813 479	49,4044%
Elçin Saday oğlu Quliyev	2 320 331	8,4268%	2 320 331	7,7385%
Sevda Saday qızı Quliyeva	2 221 229	8,0669%	2 221 229	7,4080%
Saday Əsəd oğlu Quliyev	2 196 078	7,9755%	2 196 078	7,3241%
Mariya Heydər qızı Quliyeva	2 150 841	7,8113%	2 150 841	7,1733%
Digər 3 hüquqi və 9 fiziki şəxs	31 038	0,1127%	31 038	0,1035%
Cəmi	27 535 138	100,0000%	29 984 118	100,0000%
Nizamnamə kapitalı	67 461 088,1 manat		73 461 089,1 manat

29.08.2018 07:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az