20-22 İyul 2018-ci il tarixlərində Qəbələdə “Gabaland” Əyləncə Şəhərciyində 15-ci “Qafqaz Motor Şou” (Caucausus Motor Show) avtomobil sərgisi keçiriləcəkdir.

3 gün ərzində - ən yeni modellərin təqdimatı, premyeralar, test-drayvlar, jurnalistlər üçün brifinqlər, televiziya çəkilişləri, tamaşaçılar arasında uduşlu viktorinalar, kartinq yarışları, "Miss Auto" gözəllik müsabiqəsi, konsertlər, diskotekalar və s.nəzərdə tutulub.

20 İyulda avtomobillərin ilkin nümayişləri olacaq, 21 İyul-da isə təntənəli açılış və təqdimatlar baş tutacaqdır. 22 İyulda isə "Qızıl Çarx" mükafatı təqdim olunacaq və həmin gün sərgi konsert ilə öz işini yekunlaşdıracaqdır.

2 YENİ HYUNDAİ MODELİ TƏQDİM EDİLƏCƏK

Sərgidə Azərbaycan bazarında təmsil olunan avtomobil idxalçılarının bir çoxu  son modelləri  nümayiş etdirəcəklər. Sərgidə Hyundai-ın stendi ziyarətçilərin ən çox axın edəcəyi zona ola bilər. “Marja”nın məlumatına görə, rəsmi distribyutor “Auto Azərbaycan” şirkəti bu sərgidə Azərbaycanda ilk dəfə Tam Yeni Santa Fe və Tam Yeni Veloster modellərini təqdim edəcəkdir. Santa Fe Azərbaycanda çox bəyənilən avtomobildir və alıcılar səbirsizliklə bu modelin satışına başlanmasını gözləyirlər.

Cənubi Koreyalı istehsalçı Hyundai, dizayn, yeni texnologiyalar və təhlükəsizlik sistemləri baxımından yenilədiyi dördüncü nəsil Hyundai Santa Fe modelini Mart ayında 88-ci Cenevrə Avtomobil Sərgisində təqdim etmişdi.

Olduqca dinamik və aqressiv görünən yeni Santa Fe, 4770 mm uzunluq və 1890 mm en ölçüləri ilə sələfindən 70 mm daha uzun və 10 mm daha enlidir. Bu uzunluq arxa kresloda səyahət edən sərnişinlərə daha geniş bir diz məsafəsi təmin edir. Həmçinin avtomobilin baqaj həcmi artırılaraq 585 litrə çatdırılıb.

Yeni Santa Fe 3 fərqli mühərrik variantı ilə satışa təqdim olunur. Dizel variant mühərriklər 2.0 və 2.2 litr, benzin variant isə 2.0 litr tubodur. Avtomobilin 6 pilləli mexaniki və ya 8 pilləli avtomatik sürətlər qutusu ilə təchiz edilən versiyaları mövcuddur. Yeni Santa Fe-də HTRAC adlı elektron dörd çəkiş (4x4) sistemi mövcuddur.

Hyundai-ın idman avtomobili yeni Veloster 1.6 litrlik turbo mühərrikilə 201 at gücü hasil edir. 2.0 litr mühərrikə malik olan Veloster N isə 275 at gücündədir.

TEZLİKLƏ SATIŞLAR BAŞLAYACAQ

“Auto Azərbaycan” şirkətinin Marketinq direktoru Rauf Cahangirov bildirdi: “Hyundai-ın ən çox satılan modellərindən biri olan Santa Fe tamamilə yenilənib. Bu avtomobili bəyənənlər yeni modeli səbirsizliklə gözləyirlər. Qlobal təqdimatdan qısa müddət sonra Tam Yeni Hyundai Santa Fe modelini təqdim etməyə şadıq. Azərbaycanda tam yeni Santa Fe-nin satışlarına tezliklə başlanacaqdır.

ONLAYN MÜRACİƏT EDİN VƏ 1 GÜNƏ MANAT KREDİTİ ALIN

İlk dəfə Detroit Avtomobil Sərgisində nümayiş etdirilimiş Volester modeli də tam yenilənib. Hyundai Volester 3 qapılı idman üslubunda avtomobildir. Unikal dizayna malikdir. Gənc ruhlu, aktiv həyat tərzi keçirən, sürəti sevən insanlar bu avtomobilə üstünlük verirlər. Tezliklə Veloster və Veloster N modellərinin də Azərbaycanda satışına başlamağı planlaşdırırıq”.

Şənbə və bazar günlərinə təsadüf edən 21-22 İyul tarixlərində həm Qəbələdə istirahət edə, həm də 15-ci “Qafqaz Motor Şou”da yeni modellər ilə yaxından tanış ola bilərsiniz