SOCAR İstiqrazlarının market-meykerinin gəlirləri kəskin artıb

SOCAR İstiqrazlarının market-meykerinin gəlirləri kəskin artıb

SOCAR İstiqrazlarının market-meykerinin gəlirləri kəskin artıb

"PSG-Kapital İnvestisiya Şirkəti" QSC 2017-ci ili 39 min 819 manat xalis mənfəətlə başa vurub. Halbuki şirkət, 2016-cı ildə 6 min 147 manat zərər etmişdi.

“Marja” QSC-nin illik maliyyə hesabatına istinadən xəbər verir ki, 2016-cı illə müqayisədə ötən il “PSG Kapital”ın cəmi gəlirləri 2,8 dəfə artıb. 2016-cı ildə 428 min 703 manat təşkil etmiş cəmi gəlirlər 2017-ci ildə 1 milyon 214 min manata yüksəlib. Cəmi gəlirlərin 82 faizini və ya 1 milyon 55 min manatını investisiya məsləhətləri gəlirləri, 39 min 380 manatını broker fəaliyyətindən əldə olunan gəlirlər, 106 min 577 manatını anderraytinq xidməti üzrə gəlirlər və 13 min 467 manatını idarəçilik gəlirləri təşkil edib.

Ötən il “PSG Kapital”ın gəlirlərinin kəskin artması ilə bərabər xərcləri də artıb, hətta gəlirləri üstələyib və 88 min 614 manat əməliyyat zərəri yaranıb. Lakin məzənnə fərqindən yaranmış 18 min 731 manatlıq xalis gəlir və depozitlərdən 130 min 677 manatlıq faiz gəliri hesabına şirkət əməliyyat zərərini bağlayıb və xalis mənfəət təmin edib.

AKTİVLƏRİ DƏ KƏSKİN ARTIB

2016-cı illə müqayisədə 2017-də “PSG-Kapital”ın cəmi aktivləri 2,6 dəfə artaraq 14 milyon 382 min manata çatıb. Şirkət 2016-cı ilin sonunda 5 milyon 585 min manat cəmi aktivlərə malik idi. Aktivlərin artmasına pul vəsaitlərinin artması və yeni investisiyalar səbəb olmuşdur. “PSG-Kapital” banklarda 3 milyon 460 min manat depozit yerləşdirib.

Şirkət 1 milyon manat nizamnamə kapitalına malik olub.

1 GÜNƏ KREDİT ALIN!

"PSG-Kapital İnvestisiya Şirkəti" QSC 2012-ci ildə qurulmuş PSG-Broker şirkətinin hüquqi varisidir və PSG qrup şirkətlərindən biridir. “PSG-Kapital” şirkəti SOCAR İstiqrazlarının market-meykeridir. Market-meyker hər hansı bir qiymətli kağızın alışını və satışını öz hesabına həyata keçirən investisiya şirkətidir.