Aprel ayında Azərbaycanın bank sektorunun cəmi aktivləri 592 milyon manat azalıb.

“Marja” Maliyyə Bazarlarına Nəzarət Palatasına istinadən xəbər verir ki, Fevral ayının sonunda 28 milyard 499 milyon manat olmuş cəmi aktivər, Mart ayının sonunadək 27 milyard 907 milyon manata düşüb.

Bankların əsas gəlir mənbəyi olan kreditlər də azalıb. Martda xalis kreditlər 82 milyon manat azalaraq 9 milyard 595 milyon manata düşüb.

Bankların digər banklardakı depozitləri də 57 milyon manat azalaraq 7 milyard 757 milyon manata geriləyib. Banklar da depozit yerləşdirib gəlir əldə edə bilirlər.

Bankların digər gəlir yeri olan qiymətli kağızlara investisiyalar da 2 milyard 472 milyon manatdan 2 milyard 302 milyon manata düşüb (170 milyon manat azalma).

Bankların digər banklara və maliyyə institutlarına verdikləri kreditlər 15,5 milyon manat azalaraq 227,1 milyon manata geriləyib.

Bank sektoru öhdəliklər cəbhəsində də tənəzzüldədir. Mart ayında depozitlər 423 milyon manat azalaraq 16 milyard 717 milyon manata düşüb.

O cümlədən, Martda fiziki şəxslərin depozitləri (əhalinin əmanətləri) 157 milyon manat azalaraq 7 milyard 580 milyon manata enib. Hüquqi şəxslərin depozitləri isə 266 milyon manat azalaraq 9 milyard 137 milyon manata düşüb.

Digər maliyyə institutlarının depozitləri 198 milyon manat azalaraq 1 milyard 230 milyon manata enib.

Mart ayında Fevralın sonu ilə müqayisədə bankların cəmi kapitalı 15 milyon manat azalaraq 3 milyard 870 milyon manata geriləyib.

İlk 3 ayı Azərbaycanın bank sektoru  55,9 milyon manat zərər ilə başa vurub. Bank sektoru üzrə zərərin yaranması VTB Bank (Azərbaycan)-ın 2018-ci ilin yanvar-mart dövrünü 247 milyon 412 min manat zərər ilə başa vurmasıdır. Ümumiyyətlə, 2018-ci ilin 1-ci rübünü 7 bank zərər ilə başa vurub. 7 bankın birlikdə zərəri 23 bankın mənfəətini üstələyib. Bu səbəbdən bank sektoru üzrə yekun nəticə mənfidir. 

Bank sektorunda tənəzzül devalvasiyalardan sonra hər ay davam edir.

Qeyd edək ki, Maliyyə Bazarlarına Nəzarət Palatası bəyan edib ki, Daşınar Əmlakın Yüklülüyünün Dövlət Reyestrinin işə düşməsi, İpoteka və Zəmanət Fondunun fəaliyyətə başlaması ilə kreditlərə tələb canlanacaqdır.

Əlavə edək ki, 2018-ci ilin ilk rübünün maliyyə nəticələri göstərir ki, 6 bankın gəlirləri xərclərini ödəmir. 3 bankda xərclərin gəlirlərdən yüksək olması daha çoxdur. Bu banklar ya xərcləri kəskin azaltaraq gəlirə uyğunlaşdırmalı, ya da müştərilərə verilən kreditlər ciddi məbəğdə artırılaraq  gəlirlər yüksəldilməlidir. Bu da hazırkı vəziyətdə çox çətindir. Başqa yollar digər banka birləşmək və ya fəaliyyəti dayandırmaqdır.

Qeyd: Prudensial hesabatlılıq metodologiyası əsasında hazırlanmışdır. Sahibkarlıqla məşğul olan fiziki şəxslərin depozitləri hüquqi şəxslərin depozitlərində əks olunmuşdur.

* Mərkəzi Bankdan cəlb olunmuş kreditlər üzrə girov qismində iştirak edən bloklaşdırılmış xarici valyutada vəsaitlər daxil olmaqla

** Mərkəzi idarəetmə və bələdiyyə idarəetmə orqanlarının depozitləri daxil olmadan, fərdi sahibkarlıqla məşğul olan fiziki şəxslərin depozitləri daxil olmaqla

*** Qeyri-bank maliyyə institutlarının cari hesabları daxil olmaqla

**** Fiziki şəxslərin subordinasiya xarakterli depozitləri nəzərə alınmaqla

Mənfəət və zərər haqqında hesabat (Bank sektoru üzrə) (mln manatla)