METAK istiqrazlarının hərracı keçiriləcək - TARİX

METAK istiqrazlarının hərracı keçiriləcək - TARİX

METAK istiqrazlarının hərracı keçiriləcək - TARİX

Geri satın alınmaya təqdim edilən istiqrazların 50%-i “Unibank KB” ASC, 50%-i isə “METAK” MMC tərəfindən təmin ediləcək.

19 aprel 2018-ci il tarixində Bakı Fond Birjasında (BFB) “METAK”MMC-nin faizli, sənədsiz, adlı, təmin edilməmiş istiqrazlarının yerləşdirilməsi üzrə hərrac keçiriləcəkdir.

Hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaqdır. Bu barədə “Marja”ya Birjadan bildirilib.

İstiqrazların buraxılış parametrləri barədə məlumat aşağıdakı cədvəldə verilmişdir:

Qiymətli kağızın ISIN kodu	AZ2002020272
Emissiya həcmi	3 000 000 AZN
Nominal qiyməti	1000 AZN
Hərrac qiyməti	1000 AZN
İstiqrazların tədavül müddəti	1 il (365 gün)
Faiz dərəcəsi (illik)	12 %
Faiz gəlirinin ödəniş müddəti	1 aydan bir (30 gün)
Anderrayter	Unicapital İŞ QSC

Emissiya prospektinə əsasən, tələb təklifdən çox olduğu halda eyni qiymətlə təqdim edilən sifarişlər mütənasib qaydada təmin ediləcəkdir. Əlavə olaraq, emitentin emissiya prospektinə əsasən ilk 180 gün (6 ay) ərzində geri satın alınmaya təqdim edilən istiqrazlar “Unibank KB” ASC tərəfindən, 181-ci gündən 273-cü günə (6-9 ay) kimi geri satın alınmaya təqdim edilən istiqrazların 50%-i “Unibank KB” ASC, 50%-i isə “METAK” MMC tərəfindən və 274-cü gündən 365-ci günə kimi (9-12 ay) “METAK” MMC tərəfindən təmin ediləcəkdir.

Metak istiqrazlarının emissiya prospekti BFB-nin internet saytının (www.bfb.az) “Listinqdə olan şirkətlər” bölməsində yerləşdirilmişdir.

Metak istiqrazları BFB-nin Listinq Məsləhət Proqramı çərçivəsində listinqə alınmışdır.

BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.

16.04.2018 16:00