British Petroleum (BP), ətraf mühit dostu olan elektrikli avtomobillərin (elektromobil) sayının dünyada  2035-ci ilə qədər 100 milyona çataraq, qlobal avtomobil parkının 5,5%-ini yaradacağını açıqlayıb.

 
Məşhur avtomobil markalarının inkişaf etdirdikləri yeni model elektrikli vasitələr, istifadəçilərin diqqətini çəkməyə və nəqliyyatda artım göstərməyə başlayıb.

 
"Marja" xəbər verir ki, BP-nin "Enerji Mənzərəsi" hesabatında, 2015-də 1,2 milyon olan elektrikli vasitə sayının 2035-ci ilə qədər təxminən 100 milyona çatacağı qeyd edilib.   

 
Hesabatda, bu rəqəmin dörddə birini hibrid vasitələrin, qalanını isə yalnız elektriklə işləyən maşınların yaradacağına diqqət çəkilib.

 
PAYI 5,5 FAİZ OLACAQ

 
 Dünyadakı ümumi avtomobil parkının 2035-ci ilə qədər gəlir artımı və infrastruktur təkmilləşdirmələri ilə 1,8 milyard ədədə çıxacağının qeyd olunduğu hesabatda, elektrikli vasitə sayının həmin dövrdə ümumilikdə parkın 5,5%-ni təşkil edəcəyi qeyd edilib.

 
 Hesabatda, "Artan rifah səviyyəsi inkişaf etməkdə olan ölkələrdəki maşın sahibi olma nisbətini artrır. Həmçinin məhsuldarlığı artan batareyaların ucuzlaşması elektromobillərə keçidi təşviq edir"  - qeyd edilib.

 
Elektrikli avtomobillərin artmasında ən mühüm amilin yanacaq qiymətlərinin olduğu vurğulanan hesabatda, elektrikli avtomobil batareyalarının maya dəyərinin düşməsi, hökumətlərin elektrikli vasitələrə dair təşviqlər digər mühüm amillər kimi göstərilib.
 

NEFTƏ TƏLƏBİ 1,2 MİLYON BAREL AZALDA BİLƏR

 
 Hesabatda, elektrikli vasitələrin neft tələbini az da olsa yavaşlatdığı qeyd edilib, 2015-ci ildə nəqliyyatdakı vasitələrin gündəlik 19 milyon barrel yanacaq tələbi olduğu və bu rəqəmin qlobal neft tələbatının beşdə birinə uyğun gəldiyi qeyd edilib.

 
Gələcək 20 ildə vasitə sayının iki dəfə artmasının eyni şəkildə yanacaq  tələbini də artıracağı qeyd edilən hesabatda, "Elektrikli vasitə sayındakı 100 milyonluq artım neft tələbatını gündəlik 1,2 milyon barrel azaldacaqdır" ifadələri istifadə edilib.