“Bank Respublika” növbədənkənar yığıncaq çağırdı

“Bank Respublika” növbədənkənar yığıncaq çağırdı

“Bank Respublika” növbədənkənar yığıncaq çağırdı

30 Mart 2018-ci il tarixində “Bank Respublika” ASC səhmdarlarının növbədənkənar yığıncağı keçiriləcəkdir.

VTB-də minimal faiz dərəcəsi ilə nağd kredit 9.9%-dən

“Marja” Bankın elanına istinadən xəbər verir ki, yığıncağın gündəliyinə yeni səhmlərin buraxılması yolu ilə nizamnamə kapitalının artırılmasının təsdiq edilməsi, yeni səhmlərin buraxılması və nizamnamə kapitalının artırılması ilə əlaqədar olaraq Bankın nizamnaməsinə müvafiq dəyişikliyin və Audit Komitəsinin tərkibinin təsdiq edilməsi daxildir.

Yığıncaq Bankın Baş ofisində keçiriləcəkdir.

BU AY KAPİTALINI 10 MİLYON MANAT ARTIRMIŞDIR

Xəbər verdiyimiz kimi, 14 fevral 2018-ci il tarixində yekunlaşmış əməliyyat ilə “Bank Respublika” ASC-nin hər birinin nominal dəyəri 2,45 manat olan 4 081 660 səhmləri yerləşdirilmişdir. Yerləşdirmə nəticəsində Bankın nizamanmə kapitalı 10 milyon 67 min manat artaraq 67 milyon 461 min 88,1 manata çatmışdır. “Bank Respublika” ASC-nin emissiya etdiyi yeni səhmləri mövcud səhmdarlardan biri olan Natiq Quliyev tərəfindən alınmışdır.

SƏHMDARLAR 20 MİLYON MANAT ARTIM ÜÇÜN RAZILAŞIB

Bir müddət öncə “Bank Respublika”nın Müşahidə Şurasının sədri Şakir Rəhimov bildirmişdi ki, nizamnamə kapitalının 10 milyon manat artırılmasından əlavə, 2018-ci il ərzində kapitalın daha 20 milyon manat məbləğində artırılması ilə bağlı səhmdarlar arasında razılıq əldə olunub.

“Bank Respublika”nın səhmdarlarının pay bölgüsü
Səhmdarlar	Əvvəl		İndi
Səhmdarlar	Səhm sayı	Faiz nisbəti	Səhm sayı	Faiz nisbəti
"DEG" investisiya şirkəti (Almaniya)	2 548 372	10,8656%	2 548 372	9,2550%
"Sparkassen International Development Trust" şirkəti (Almaniya)	1 274 179	5,4328%	1 274 179	4,6275%
Natiq Saday oğlu Quliyev	10 711 410	45,6709%	14 793 070	53,7243%
Elçin Saday oğlu Quliyev	2 320 331	9,8933%	2 320 331	8,4268%
Sevda Saday qızı Quliyeva	2 221 229	9,4708%	2 221 229	8,0669%
Saday Əsəd oğlu Quliyev	2 196 078	9,3635%	2 196 078	7,9755%
Mariya Heydər qızı Quliyeva	2 150 841	9,1707%	2 150 841	7,8113%
Digər 3 hüquqi və 9 fiziki şəxs	31 038	0,1323%	31 038	0,1127%
Cəmi	23 453 478	100%	27 535 138	100,0000%
Nizamnamə kapitalı	57 461 021,1 manat		67 461 088,1 manat