AccessBank UNEC-də "açıq dərs" keçirib

Fevralın 20-də AccessBank UNEC-də "açıq dərs" keçirib. "İqtisadi Təşəbbüslərə Yardım" İctimai Birliyinin rəhbəri, iqtisadçı-ekspert Samir Əliyev, Asiya İnkişaf Bankının Azərbaycandakı nümayəndəliyinin baş iqtisadçısı Nail Vəliyev və "PwC Azerbaijan" şirkətinin Marketinq və Kommunikasiya üzrə rəhbəri Aysel Süleymanovanın iştirakı ilə keçirilən "açıq dərs"ə maraq olduqca böyük idi. Belə ki, tədbirdə UNEC-in Maliyyə və Mühasibat fakültəsinin 80-dək tələbəsi könüllü şəkildə iştirak edib.
Tədbiri giriş nitqi ilə açan AccessBank-ın Marketinq/Korporativ bankçılıq departamentlərinin direktoru Günay Cəlilova bildirib ki, bu, cari il ərzində keçirilən ilk "açıq dərs"dir və yaxın gələcəkdə digər ali təhsil ocaqlarında da bir neçə analoji dərslərin təşkili nəzərdə tutulub: "AccessBank olaraq biz daim Korporativ Sosial Məsuliyyət siyasətimizə olduqca böyük önəm vermişik. Cəmiyyətə faydalı olmaq bizim əsas prinsiplərimizdəndir. Məhz bu baxımdan biz bu cür tədbirləri davamlı olaraq təşkil etməyi planlaşdırırıq".
AccessBank ilə UNEC arasında mövcud olan əməkdaşlığın genişləndirilməsinə toxunan departament direktoru deyib ki, yaxın gələcəkdə bankda tələbələr üçün praktiki təlimlər təşkil olunacaq.
Daha sonra Samir Əliyev "Milli valyuta və makroiqtisadi sabitlik" mövzusunda təqdimat keçirib. İnteraktiv qaydada baş tutan təqdimat iştirakçılar tərəfindən böyük maraqla qarşılanıb.
Bundan sonra tələbələr üçün sual-cavab sessiyası təşkil edilib. Sessiya ərzində Samir Əliyev, Nail Vəliyev, Günay Cəlilova və Aysel Süleymanova tələbələri maraqlandıran sualları cavablandırıblar.
Ardınca spikerlər kollegial qaydada tədbirdə aktiv iştirak edən 7 tələbəni müəyyən məbləğdə balansa malik olan myCard ödəniş kartı ilə mükafatlandırıblar. Bununla yanaşı, tədbirdə iştirak edən hər bir tələbəyə bank tərəfindən hədiyyə təqdim olunub.
Mükafatlandırma mərasimində çıxış edən Nail Vəliyev və Aysel Süleymanova tələbələrə bu cür tədbirlərdə aktiv iştirak etməyi tövsiyə ediblər. Onlar insan kapitalına investisiyanın vacibliyini qeyd edib və AccessBank-ın bu istiqamətdə reallaşdırdığı layihələri yüksək qiymətləndiriblər.
Samir Əliyev isə tələbələrə universitet proqramları ilə kifayətlənməməyi, dünya iqtisadiyyatında gedən prosesləri mütəmadi izləməyi məsləhət görüb. O əlavə edib ki, tədris müəssisələri ilə sahibkarlar arasında müxtəlif formalarda görüşlərin keçirilməsi təqdirəlayiq haldır. Çünki belə görüşlər əlaqələrin gücləndirilməsi ilə yanaşı qarşılıqlı təcrübə mübadiləsinə də töhfə verir.
Tədbirə yekun vuran Günay Cəlilova "açıq dərs"in maraqlı və faydalı keçməsindən məmnunluğunu ifadə edib: "Tədbirin əvvəlində də qeyd etdiyim kimi, bizim əsas məqsədimiz cəmiyyətimizə faydalı olmaqdır. Çıxışlardan belə anlaşılır ki, məqsədimizə nail ola bildik. Bu isə bizim əməyimizə verilən ən böyük qiymətdir. Bizi sizlərlə irəlidə çox görüşlər gözləyir və bilin ki, AccessBank-ın qapıları hər zaman hər birinizin üzünüzə açıqdır".
Müştərilərin xəbərləri

"Prime Cotton" şirkəti akademik Zərifə Əliyevanın doğum günü münasibətilə qanvermə aksiyası təşkil etdi
SON XƏBƏRLƏR
-
2 saat əvvəl
İşsizlikdən sığorta ödənişinin təyinatı ilə bağlı bütün proseslər artıq e-qaydada aparılır
- 3 saat əvvəl
-
3 saat əvvəl
Kapital Bank-ın dəstəyi ilə keçirilən müəllimlər üçün çempionat yekunlaşdı
-
- 3 saat əvvəl
- 5 saat əvvəl
- 5 saat əvvəl
-
5 saat əvvəl
Naxçıvanda elektron xidmətlərdən istifadənin dairəsi genişlənib
- 5 saat əvvəl
-
5 saat əvvəl
Azərbaycan qızıl ixracından gəlirini təxminən 6 dəfə artırıb
-
5 saat əvvəl
Azərbaycanın əczaçılıq şirkəti Səudiyyə Ərəbistanının holdinqi ilə anlaşıb
-
5 saat əvvəl
Naxçıvan İqtisadiyyat Nazirliyində istifadə edilən rəqəmsal yeniliklər təqdim olunub
-
5 saat əvvəl
Naxçıvanda müasir Hərracların Təşkili Mərkəzi istifadəyə verilib
Son Xəbərlər

Dolların sabah üçün rəsmi məzənnəsi müəyyən olunub

"EKOLİZİNQ" dollar ilə borc alır - ŞƏRTLƏR

“AzerGold”da növbəti iclas

Mərkəzi Bank iri banka icrası məcburi sərəncam verib

Naxçıvan İqtisadiyyat Nazirliyində istifadə edilən rəqəmsal yeniliklər təqdim olunub
.jpg)
“Azərsun Holdinq” mükafata layiq görüldü

Azərbaycan Çindən 26 milyon dollara 7 lokomotiv alır
Ən çox oxunanlar

"Prime Cotton" şirkəti akademik Zərifə Əliyevanın doğum günü münasibətilə qanvermə aksiyası təşkil etdi

16 avtobus marşrutu bu şirkətlərə və sahibkarlara verildi

"İnvest-AZ"ın gəlirləri 14 faizdən çox artıb
.jpg)
Azərbaycan və Səudiyyə Ərəbistanı sərnişin axınının artırılmasını müzakirə edib - AZAL-DA GÖRÜŞ

“SİMA İmza” ilə “digital.login”ə girişlərin həcmi 118 dəfə artıb

Qlobal bazarlarda son vəziyyət - GÜNƏ BAXIŞ

ABB-nin iştirakı ilə 31 000-dən çox ağac əkilir!

BOKT “İnternational” kiçik və orta sahibkarlara dəstək məqsədilə – KOB FİLİALINI AÇDI
