"VTB Bank Azərbaycan" ehtiyatının hesabına mənfəətə çıxıb

"VTB Bank Azərbaycan" ehtiyatının hesabına mənfəətə çıxıb

"VTB Bank Azərbaycan" ehtiyatının hesabına mənfəətə çıxıb

"VTB Bank Azərbaycan" ASC 2017-ci ilin yekunu üzrə maliyyə göstəricilərini açıqlayıb.

VTB-də minimal faiz dərəcəsi ilə nağd kredit 9.9%-dən

"Marja" xəbər verir ki, Bank ötən ili 4 milyon 753 min manat xalis mənfəətlə başa vurub. Lakin bu mənfəət biznesin inkişafından qaynaqlanmayıb.

Ötən il Bankın cəmi faiz və qeyri-faiz gəlirləri 22 milyon 248 min manat, cəmi faiz və qeyri-faiz xərcləri isə 54 milyon 800 min manat təşkil edib. Nəticədə Bankın 32 milyon 552 min manat əməliyyat zərəri yaranıb. Lakin Bank, aktivlər üzrə mümkün zərərlərin ödənilməsi üçün yaradılmış xüsusi ehtiyatdan 39 milyon 919 min manat mənfəətə əlavə etdiyindən Bankın əməliyyat zərəri bağlanıb və 7 milyon 367 min manat mənfəəti yaranıb. Bu mənfəətdən də 2 milyon 614 min manat mənfəət vergisi ödəbilib. Nəticədə Bank 4 milyon 753 min manat xalis mənfəət əldə edib.

Qeyd edək ki, "VTB Bank Azərbaycan"da ehtiyatın 39 milyon 919 min manatının azad olması, bankda gecikmədə olan kreditlərin bir hissəsinin geri ödəndiyinə işarədir.

"VTB Bank Azərbaycan" 2016-cı ili 2 milyon 624 min manat zərər ilə bağlamışdı.

KAPİTALI BÖYÜK MƏBLƏĞDƏ ARTIRILACAQ

Xəbər verdiyimiz kimi, Rusiya Bankı VTB, Bank VTB (Azərbaycan)-ın kapitalının 265 milyon manat məbləğində artırımağı planlaşıdrır.

Bank VTB (Azərbaycan) ASC-nin səhmlərin payı aşağıdakı kımidir:

Bank VTB (PSC) – 51%

Bank VTB24 (PSC) – 48,9999 %

Fiziki şəxs – 0,0001%.

Hazırda Bankın nizamnamə kapitalı 50 815 000 ( əlli milyon səkkiz yüz on beş min) manat olmaqla, hər birinin nominal dəyəri 0.2 (sıfır tam onda iki) manat olan, 254 075 000 (iki yüz əlli dörd milyon yetmiş beş min) adlı, sənədsiz, adi səhmdən ibarətdir.

Kapitalın artırılmasından sonra "Bank VTB Azərbaycan"ın nizamnamə kapitalı 315 milyon manatı keçəcəkdir.

Mənfəət və zərər hesabatı 2017

	İlin əvvəlindən hesabat tarixinə qədər
Faiz və gəlirlərin bu qəbildən olan növləri, cəmi	12 448,10
Faizlər və onlara bağlı xərclər, cəmi	29 682,10
Xalis faiz mənfəəti (zərəri)	- 17 234,00
Qeyri-faiz gəlirləri, cəmi	9 799,97
Qeyri-faiz xərcləri, cəmi	25 117,90
Xalis əməliyyat mənfəəti (zərəri)	- 32 551,93
Aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar (xərclər)	- 39 919,23
Vergilər və bank fəaliyyəti ilə bağlı gözlənilməz xərclər ödənilənədək xalis mənfəət (zərər)	7 367,30
Gözlənilməz fəaliyyət növlərindən və əvvəlki dövr üçün uçotdakı dəyişikliklərdən mənfəət (zərər), cəmi
Vergilər ödənilənədək xalis mənfəət (zərər)	7 367,30
Mənfəətdən ödənilən vergilər	2 614,21
Vergilər ödənildikdən sonra xalis mənfəət (zərər)	4 753,09

AKTİVLƏR
	IV RUB 2017
Nağd vəsaitlər	6 171,29
Nostro hesablar (Mərkəzi Bank və digər banklardakı müxbir hesablar)	69 573,60
Banklara verilmiş kreditlər	-
Banklar da daxil olmaqla maliyyə müəssisələrindəki depozitlər, cəmi	-
Qiymətli kağızlara investisiyalar
Kredit portfeli (müştərilərə verilmiş kreditlər - məqsədli ehtiyatlar çıxılmaqla)	281 176,40
Amortizasiya çıxılmaqla bank işində istifadə olunan əsas vəsaitlər	1 113,48
Bank işində istifadə olunmayan əsas vəsaitlər, cəmi
Amortizasiya çıxılmaqla qeyri-maddi aktivlər	1 764,44
Digər aktivlər	37 411,87
CƏMİ AKTİVLƏR	397 211,09
ÖHDƏLİKLƏR
Depozitlər	47 094,11
AMB-nın banka qarşı tələbləri, cəmi	30 000,00
Digər bankların tələbləri (“Loro" hesabları), cəmi	478,37
Banklar və digər maliyyə institutlarının kreditləri	131 267,55
Bankların depozitləri	137 289,66
Digər maliyyə müəssisələrinin (banklardan başqa) depozitləri, cəmi	5 760,13
Mərkəzi və bələdiyyə idarəetmə orqanlarının depozitləri və kreditləri
Bank tərəfindən buraxılmış subordinasiyalı və sair bu qəbildən olan borc öhdəlikləri (müddətli imtiyazlı səhmlər də daxil olmaqla)
Digər passivlər	5 204,10
CƏMİ ÖHDƏLİKLƏR	357 093,92
KAPİTAL
Xüsusi kapital, cəmi	39 695,86
a) dövriyyədə olan adi səhmlər	50 815,00
b) dövriyyədə olan müddətsiz imtiyazlı səhmlər (nominal və bazar qiymətləri arasındakı fərq daxil olmaqla)
c) adi səhmlərin nominal və bazar qiymətləri arasındakı fərq
d) bölüşdürüməmiş xalis mənfəət (zərər), cəmi	- 11 119,14
Ümumi ehtiyatlar, cəmi	421,31
Cəmi kapital	40 117,17
CƏMİ ÖHDƏLİKLƏR VƏ KAPİTAL	397 211,09

	IV rüb 2017

I dərəcəli kapital :	34 942,77
Adi səhmlər	50 815,00
Keçmiş illərin mənfəət/zərəri	- 15 872,23
Cari ilin zərəri	-
I dərəcəli kapitaldan tutulmalar	1 764,44
Tutulmalardan sonra I dərəcəli kapital	33 178,33
II dərəcəli kapital :
Ümumi ehtiyatlar	421,31
Cari ilin mənfəət	4 753,09
Kapitalın digər vəsaitələri	11 744,60
II dərəcəli kapitalın cəmi	16 919,00
Məcmu kapital	50 097,33
Risk dərəcəsi üzrə ölçülmuş aktivlər	86 698,34