PAŞA Bank “valyuta çılğınlığını” yumuşaq geridə qoydu

PAŞA Bank “valyuta çılğınlığını” yumuşaq geridə qoydu

PAŞA Bank “valyuta çılğınlığını” yumuşaq geridə qoydu

2016-cı ildə və 2017-ci ilin ilk aylarında valyuta alqı-satqısında spredlər (alış və satış məzənnələri arasında fərq) yüksək olduğundan bir sıra bankların gəlirəri artmışdı. Lakin ötən ildən başlayaraq Manatın sabitləşməsilə spredlər aşağı düşməyə başladı. Belə bir vəziyyətdə bankların qeyri-faiz gəlirlərinin azalması qaçılmaz idi.

VTB-də minimal faiz dərəcəsi ilə nağd kredit 10.49%-dən

“Marja” xəbər verir ki, PAŞA Bank vəziyyətə uyğun olaraq 2016-cı ildə xarici valyutalar ilə əməliyyatlardan 56 milyon 439 min manat gəlir əldə etmişdi. Ehtimal olunurdu ki, spredlər aşağı düşən zaman PAŞA Bankın cəmi gəlirlərində, həmçinin mənfəətində kəskin azalma olacaqdır. Lakin bu baş vermədi.

2017-ci ildə PAŞA Bankın xarici valyutalar ilə əməliyyatlardan gəliri 31 milyon 680 min manata düşdü. Bu gəlirin də böyük bir hissəsi spredlərin yüksək olduğu 2017-ci ilin 1-ci rübünə təsadüf edir. PAŞA Bank xarici valyutalar ilə əməliyyatlardan 1-ci rübdə 14 milyon 886 min manat, 2-ci rübdə 8 milyon 594 min manat, 3-cü rübdə 4 milyon 498 min manat, 4-cü rübdə 3 milyon 702 min manat gəlir əldə edib.

Valyuta əməliyyatlarndan gəlirlərin azalması fonunda PAŞA Bankın qeyri-faiz gəlirləri azalsa da, faiz gəlirlərinin artması bunu kompensasiya edib. Bankın qeyri-faiz gəlirləri 76 miyon 831 min manatdan 48 milyon 925 min manata geriləsə də, faiz gəlirləri 114 milyon 753 min manatdan 158 milyon 157 min manata yüksəlib. Bankın 2017-ci il üzrə xalis mənfəəti 2016-cı ildəki səviyyəyə yaxın olub. PAŞA Bank ASC 2017-ci ili 58 milyon 994 min manat xalis mənfəət ilə başa vurub. PAŞA Bank 2016-cı ili 61 milyon 57 min manat xalis mənfəətlə başa vurmuşdu.

PAŞA Bankın maliyyə gösəriciləri barədə daha ətraflı: http://marja.az/news/19437

22.01.2018 09:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az