Uşaq və yeniyetmələrin sevimli məktəbli ləvazimatları olan OYAL daim müxtəlif yönümlü sosial layihələr həyata keçirməyi korporativ vətəndaşlıq borcu hesab edir.

3 dekabr Beynəlxalq Əlillər Günü ilə bağlı növbəti sosial layihə Şabran rayon İcra Hakimiyyəti, Oriqami Uşaq və Yeniyetmələr İctimai Birliyi və Ofisait mağazalar şəbəkəsinin təşkilati dəstəyi ilə həyata keçirilib.

Şabran rayonu Heydər Əliyev Mərkəzində həyata keçirilən tədbiri giriş sözü ilə açan Şabran rayon İcra Hakimiyyəti başçısının müavini Fikrət Nuşiyev özəl sektorda fəaliyyət göstərən şirkətlərin ölkənin ictimai həyatında aktiv rolunu yüksək qiymətləndirdiyini vurğulayıb, OYAL-a şabranlılar adından dərin təşəkkürünü bildirib.

Tədbirdə çıxış edən şirkət nümayəndəsi fiziki məhdudiyyətli insanların daim dövlətimizin diqqət mərkəzində olduğunu qeyd edib və Heydər Əliyev Fondunun həyata keçirdiyi sosial layihələrin davamı olaraq xeyriyyəçilik işləri ilə məşğul olmağı OYAL-ın Korporativ Sosial Məsuliyyətinin əsas tərkib hissəsi olduğunu bildirib. Tədbirdə nəinki iştirakçılara, həmçinin fiziki məhdudiyyətli insanların ailə üzvlərinə də müxtəlif hədiyyələr təqdim olunub, bu da layihə iştirakçılarının ikiqat sevincinə səbəb olub. Sonda xatirə şəkli çəkilib.

Fiziki məhdudiyyətli insanların cəmiyyətə inteqrasiyası və onların reabilitasiyası istiqamətində OYAL gələcəkdə də, müxtəlif layihələr həyata keçirmək niyyətindədir.

Qeyd edək ki, OYAL məktəbli ləvazimatlarını Bakı, Abşeron, Sumqayıt, Lənkəran, Tovuz, Bərdədə yerləşən “Ofisait” mağazaları ilə yanaşı, şəhərimizin dəftərxana ləvazimatları satılan bir çox mağazalarından əldə etmək mümkündür. Həmçinin ölkənin ən böyük online satış portallarından biri olan www.ofisait.com vasitəsilə də Siz mənzil və ofislərinizdə internet vasitəsilə istənilən məhsulu sifariş verə bilərsiniz. Daha ətraflı məlumatı OYAL və “Ofisait”in daim yenilənən Facebook və İnstagram səhifələrindən əldə edə bilərsiniz.