Ərəblər və Azərbaycan birgə yeni investisiya fondu yarada bilər

Ərəblər və Azərbaycan birgə yeni investisiya fondu yarada bilər

Ərəblər və Azərbaycan birgə yeni investisiya fondu yarada bilər

Körfəz Ərəb Dövlətləri Əməkdaşlıq Şurasının Ticarət Palataları Federasiyasının baş katibi Abdulrahim Hasan Naqi Azərbaycanla adıçəkilən regionun ölkələri arasında biznes əməkdaşlığının genişləndirilməsi üçün bir sıra təkliflər irəli sürüb.

Bakıda keçirilən Azərbaycan-Körfəz Ərəb Dövlətləri Əməkdaşlıq Şurasına üzv ölkələri biznes forumunda çıxışı zamanı baş katib bildirib ki, İslam İnkişaf Bankı Azərbaycanla Şuraya üzv ölkələrin həyata keçirdiyi layihələri maliyyələşdirə bilər.

VTB-də minimal faiz dərəcəsi ilə nağd kredit 9.9%-dən

Bundan başqa, təşkilat rəsmisi gömrük rüsumlarının azaldılmasını və ya ümumiyyətlə ləğv olunmasını təklif edib.

Baş katibin başqa bir təklifi vizalarla bağlıdır: "Təklif edirik ki, viza alınan zaman tələb olunan 20 dollar ləğv olunsun və aviabiletlərin qiymətinə əlavə edilsin".

O təklif edib ki, 2018-ci ildə Azərbaycanda Şuraya üzv ölkələrdə istehsal olunan məhsullarının sərgisi təşkil edilsin. "Ölkələrimizin istehsal etdiyi məhsulların burada tanınması lazımdır".

Baş katib iqtisadiyyat naziri Şahin Mustafayevin birgə investisiya fondunun yaradılması ilə bağlı təklifinə də müsbət reaksiya verib: "Azərbaycanla Şura ölkələri arasında investisiya fondunun yaradılması məqsədəuyğun olar".

Azərbaycanın iqtisadiyyat nazairi Şahin Mustafayev də bildirib ki, Azərbaycan və Körfəz ərəb ölkələri birgə investisiya fondu da yarada bilər.

"Bizim "Xəzər Beynəlxalq İnvestisiya Şirkəti"miz var. Analoji formatda investisiya fondu yaratmaq olar. Biz Qətərlə investisiya fondunun yaradılması ilə bağlı danışıqlar aparırıq. Ümid edirəm ki, bu layihə də reallaşacaq", - deyə nazir vurğulayıb.

20.10.2017 10:00