Mərkəzi Bank yoxladı, məhkəmələr cərimələdi – “Azmaş lizinq”, “TAHK” və “Anex Lombard”la bağlı qərarlar

Mərkəzi Bank yoxladı, məhkəmələr cərimələdi – “Azmaş lizinq”, “TAHK” və “Anex Lombard”la bağlı qərarlar

Pulların leqallaşdırılmasına qarşı tələblər pozulub. 3 şirkətlə bağlı cərimələr. “Azmaş lizinq” və vəzifəli şəxsinə 24 min manat cərimə. “Anex Lombard” və “TAHK” rəhbərliyinə də cərimə tətbiq olunub.

Mərkəzi Bank yoxladı, məhkəmələr cərimələdi – “Azmaş lizinq”, “TAHK” və “Anex Lombard”la bağlı qərarlar

Azərbaycan Mərkəzi Bankının (AMB) apardığı cari nəzarət prosesləri çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə üzrə qanunvericiliyin tələblərinin pozulması ilə bağlı “Azmaş lizinq” MMC, “TAHK” MMC (Elit Lombard) və “Anex Lombard” MMC üzrə inzibati məsuliyyət tədbirləri görülüb.

Marja.az xəbər verir ki, “Azmaş lizinq” MMC və onun vəzifəli şəxsi Bakı şəhəri Qaradağ Rayon Məhkəməsinin qərarı ilə cərimələnib.

İnzibati Xətalar Məcəlləsinin 598.1.1-ci, 598.1.2-ci və 598.4-cü maddələrinə əsasən “Azmaş lizinq” MMC-yə 21 min manat, şirkətin vəzifəli şəxsinə isə 3 min manat məbləğində cərimə tətbiq edilib.

Bundan başqa, eyni istiqamətdə qanunvericiliyin tələblərinin pozulması ilə əlaqədar “TAHK” MMC-nin vəzifəli şəxsi də inzibati məsuliyyətə cəlb olunub.

Bakı şəhəri Nizami Rayon Məhkəməsinin qərarı ilə İnzibati Xətalar Məcəlləsinin 598.1.2-ci maddəsinə əsasən şirkətin vəzifəli şəxsi 2 min manat məbləğində cərimə edilib.

AMB-nin cari nəzarət prosesləri çərçivəsində “Anex Lombard” MMC ilə bağlı da pozuntu aşkarlanıb.

Şirvan Şəhər Məhkəməsinin qərarı ilə İnzibati Xətalar Məcəlləsinin 598.1.1-ci və 598.1.2-ci maddələrinə əsasən “Anex Lombard” MMC-nin vəzifəli şəxsi 2 min manat məbləğində cərimələnib.

Beləliklə, açıqlanan üç hal üzrə ümumilikdə 28 min manat məbləğində inzibati cərimə tətbiq olunub.

Hər gün yeni vakansiyalar - AzVak.az-da

Azərbaycan Mərkəzi Bankı AMB Azmaş lizinq TAHK MMC Anex Lombard lombard lizinq şirkəti inzibati cərimə inzibati məsuliyyət pulların leqallaşdırılması terrorçuluğun maliyyələşdirilməsi AML maliyyə monitorinqi İnzibati Xətalar Məcəlləsi Qaradağ Rayon Məhkəməsi Nizami Rayon Məhkəməsi Şirvan Şəhər Məhkəməsi maliyyə sektoru Mərkəzi Bank nəzarəti

15.09.2026 16:44