Volkswagen-də dərin böhran: İşçilər rəhbərliyə etimadın sarsıldığını bildirir

Volkswagen-də dərin böhran: İşçilər rəhbərliyə etimadın sarsıldığını bildirir

Volkswagen-də dərin böhran: İşçilər rəhbərliyə etimadın sarsıldığını bildirir

Almaniyanın avtomobil nəhəngi Volkswagen iş yerlərinin ixtisarı və zavodların bağlanması planları fonunda tarixinin ən ciddi böhranlarından biri ilə üzləşib.

Marja xəbər verir ki, şirkətin Volfsburqdakı baş qərargahında rəhbərliklə Həmkarlar İttifaqı arasında fövqəladə görüşlər keçirilir. Əsas müzakirə mövzusu xərclərin kəskin azaldılması proqramıdır. Məlumata görə, əlavə 50 min iş yerinin itirilməsi və Almaniyadakı beş zavodun bağlanması ehtimalı gündəmdədir.

VTB-də minimal faiz dərəcəsi ilə nağd kredit 9.9%-dən

Volkswagen-də Həmkarlar İttifaqının sədri Daniela Cavallo 10 mindən çox əməkdaşın iştirak etdiyi toplantıda şirkətin baş direktoru Oliver Blume və ali rəhbərliyə etimadın ciddi şəkildə zədələndiyini bildirib. Həmkarlar İttifaqının nümayəndələri Almaniyadakı zavodların bağlanmasını qəti şəkildə rədd edir.

Blume isə geri addım atılmayacağına işarə edib. Onun sözlərinə görə, Volkswagen təxminən 3,8%-lik hazırkı mənfəət marjası ilə gələcək layihələrini maliyyələşdirə bilməz. CEO şirkətin problemlərinin əsas səbəbləri sırasında Çin istehsalçılarının sərt rəqabətini, Almaniyada bahalı istehsal güclərini və ABŞ gömrük tariflərinin yaratdığı milyardlarla dollarlıq əlavə xərcləri göstərib.

Şirkət daxilində narazılıq da artır. Həkarlar İttifaqı nümayəndələri rəhbərliyin yenidənqurma planları barədə kifayət qədər məlumat vermədiyini bildirərək avqustun sonunadək Volfsburq, Tsvikau və Kassel-Baunatal daxil olmaqla doqquz ayrıca məlumatlandırma toplantısının keçirilməsini tələb ediblər.

Aşağı Saksoniya əyalətinin Baş naziri Olaf Lies zavodların bağlanmasının qəbuledilməz olduğunu bildirib. Almaniyanın ən böyük həmkarlar ittifaqı IG Metall isə rəhbərlik ixtisar və zavodların bağlanması planlarında israr edərsə, genişmiqyaslı və sərt etiraz aksiyalarına başlayacağını açıqlayıb.

25.08.2026 19:13