AZAL: İlk 6 ayda 5% artımla 1,9 milyon sərnişinə xidmət göstərmişik

AZAL: İlk 6 ayda 5% artımla 1,9 milyon sərnişinə xidmət göstərmişik

AZAL: İlk 6 ayda 5% artımla 1,9 milyon sərnişinə xidmət göstərmişik

2026-cı ilin ilk altı ayı ərzində AZCON Holding şirkətlərindən olan Azərbaycan Hava Yolları (AZAL) tərəfindən ümumilikdə 1,9 milyon sərnişinə xidmət göstərilib ki, bu da ötən ilin eyni dövrü ilə müqayisədə 5% artım təşkil edir.

Bu barədə Marja.az-a “Azərbaycan Hava Yolları” QSC-nin Mətbuat xidmətindən bildirilib.

Qeyd edilib ki, beynəlxalq istiqamətlərə səyahət edən sərnişinlərin sayı 4% artaraq 1,6 milyona çatıb. Bundan əlavə, aviaşirkət tərəfindən ümumilikdə 8462 reys yerinə yetirilib (7% artım göstərərək). Onlardan 6566-sı beynəlxalq reys olub və beynəlxalq reyslərin sayı da 7% artıb. Həmçinin orta yüklənmə faktoru 79%, punktuallıq göstəricisi isə 81% təşkil edib.

2026-cı ilin ilk yarısında Azərbaycanın milli aviadaşıyıcısı marşrut şəbəkəsinin genişləndirilməsi istiqamətində mühüm addımlar atıb. Belə ki, aviaşirkət Şımkentə birbaşa uçuşlara başlayıb, Aktöbə, Atırau, Brüssel və Qars istiqamətləri üzrə isə müntəzəm reyslər üçün bilet satışını açaraq sərnişinlər üçün yeni səyahət imkanları yaradıb. Hesabat dövrünün sonuna Azərbaycan Hava Yollarının müntəzəm marşrut şəbəkəsi 52 istiqaməti əhatə edib. Aviaşirkətin genişlənən marşrut şəbəkəsində sərnişinlər ən çox Moskva, İstanbul, Tbilisi, Təl-Əviv və Ankara şəhərlərinə səyahət etməyə üstünlük verib.

Eyni zamanda, donanmaya 3 yeni nəsil “Airbus” təyyarəsi – 2 “Airbus A320neo” və AZAL tarixində ilk “Airbus A321neo əlavə olunub və istismarda olan təyyarələrin ümumi sayı 29-a çatdırılıb.

İş elanları AzVak.az-da

Bununla yanaşı, ölkədaxili ən intensiv marşrutlardan biri olan Bakı–Naxçıvan–Bakı xətti üzrə 1868 reys həyata keçirilib və 367651 sərnişin daşınıb. Hər iki göstərici üzrə ötən ilin eyni dövrü ilə müqayisədə 10% artım qeydə alınıb. Ən yüksək əməliyyat yükü qeydə alınan gündə isə bu marşrut üzrə 25 reys icra olunub.

Cari ilin ilk 6 ayı ərzində Azərbaycan Hava Yolları sərnişin təcrübəsinin təkmilləşdirilməsi və rəqəmsal xidmətlərin genişləndirilməsi istiqamətində də bir sıra yenilikləri istifadəyə verib. Aviaşirkət onlayn əlavə baqaj xidmətinin 32 kiloqramadək genişləndirilməsini təmin edib, onlayn bilet alışı zamanı “Stopover” xidmətinin əlavə edilməsi imkanını yaradıb, “Rental Car” xidmətini istifadəyə verib. Eyni zamanda, Çin sərnişinləri üçün “Alipay” və “WeChat Pay”, Özbəkistan vətəndaşları üçün isə “HUMO” və “UZCARD” ödəniş sistemləri ilə inteqrasiya həyata keçirilib. Bundan əlavə, Bakcell ilə əməkdaşlıq çərçivəsində aviaşirkətin sərnişinləri üçün xüsusi rouminq paketləri təqdim olunub.

Ötən dövr ərzində aviaşirkət uçuşların təhlükəsizliyini əsas prioritet kimi qoruyaraq əməliyyat fəaliyyətinin davamlılığını təmin edib.

Azərbaycan Hava Yolları AZAL AZCON Holding AZAL sərnişin sayı 1 9 milyon sərnişin 2026-cı ilin ilk yarısı beynəlxalq sərnişinlər beynəlxalq reyslər aviaşirkət marşrut şəbəkəsi 52 istiqamət Şımkent uçuşları Aktöbə reysləri Atırau reysləri Brüssel reysləri Qars reysləri Moskva uçuşları İstanbul uçuşları Tbilisi uçuşları Təl-Əviv uçuşları Ankara uçuşları Airbus A320neo Airbus A321neo AZAL donanması yeni təyyarələr Bakı-Naxçıvan-Bakı reysi Naxçıvan uçuşları 367651 sərnişin 1868 reys orta yüklənmə faktoru punktuallıq göstəricisi sərnişin təcrübəsi rəqəmsal xidmətlər onlayn baqaj xidməti Stopover xidməti Rental Car xidməti Alipay WeChat Pay HUMO UZCARD Bakcell rouminq paketləri aviaşirkətin inkişafı uçuş təhlükəsizliyi AZAL hesabatı milli aviadaşıyıcı Azərbaycan aviasiyası aviabiletlər onlayn ödəniş sistemləri

09.07.2026 15:31