Azərbaycan Hava Yolları marşrut şəbəkəsini genişləndirərək Belçikanın paytaxtı Brüsselə birbaşa müntəzəm uçuşlara başlayır. Yeni istiqamət üzrə biletlər artıq satışdadır. 

Marja “Azərbaycan Hava Yolları” QSC-nin Mətbuat xidmətinə istinadən xəbər verir ki, Brüssel şəhərinə ilk reys 8 may 2027-ci il tarixində həyata keçiriləcək. Bakı-Brüssel-Bakı marşrutu üzrə uçuşlar həftədə 4 dəfə, bazar ertəsi, çərşənbə, cümə axşamı və şənbə günləri yerinə yetiriləcək.

Qeyd edilib ki, yeni marşrut Azərbaycan ilə Belçika arasında işgüzar, turizm və mədəni əlaqələrin inkişafına əlavə töhfə verəcək, həmçinin sərnişinlər üçün Avropanın aparıcı siyasi, iqtisadi və nəqliyyat mərkəzlərindən birinə birbaşa və rahat səyahət imkanı yaradacaq.

Belçikanın paytaxtı Brüssel Avropa İttifaqı və NATO-nun qərargahlarının yerləşdiyi, qlobal diplomatiya və beynəlxalq biznes üçün vacib əhəmiyyət daşıyan şəhərlərdən biridir. Bununla yanaşı, şəhər zəngin tarixi-mədəni irsi, məşhur Grand-Place meydanı, Atomium kompleksi, muzeyləri, qastronomiyası və özünəməxsus atmosferi ilə Avropanın ən populyar turizm istiqamətlərindən biri hesab olunur.

Brüssel həmçinin Avropanın əsas nəqliyyat qovşaqlarından biridir. Buradan Amsterdama təxminən iki saata, həmçinin Lüksemburq, Köln və digər şəhərlərə rahat şəkildə çatmaq mümkündür.

Aviabiletləri AZAL-ın saytından, aviaşirkətin mobil tətbiqindən, kassalarından və akkreditə olunmuş agentliklərdən əldə edə bilərsiniz.

Hər gün yeni vakansiyalar - AzVak.az-da

XXX

"Azərbaycan Hava Yolları" QSC (AZAL) Bakı-Brüssel-Bakı reyslərinə bilet satışına start verib.

Bu barədə AZAL-dan məlumat verilib.

Bildirilib ki, uçuşlar 8 may 2027-ci ildən həftədə 4 dəfə - bazar ertəsi, çərşənbə, cümə axşamı və şənbə günləri həyata keçiriləcək.

Hər gün yeni vakansiyalar - AzVak.az-da

"Brüssel artıq AZAL marşrut xəritəsində! Bakı-Brüssel-Bakı reyslərinə bilet satışına start veririk. Uçuşlar 8 may 2027-ci ildən həftədə 4 dəfə — bazar ertəsi, çərşənbə, cümə axşamı və şənbə günləri həyata keçiriləcək", -məlumatda deyilir.