Volkswagen 4 zavodunu bağlamağı və 100 min əməkdaşını işdən çıxarmağı planlaşdırır

Volkswagen 4 zavodunu bağlamağı və 100 min əməkdaşını işdən çıxarmağı planlaşdırır

Volkswagen-in minlərlə əməkdaşını işdən çıxarmağı və bəzi zavodları bağlamağı planlaşdırdığı bildirilir.

Volkswagen 4 zavodunu bağlamağı və 100 min əməkdaşını işdən çıxarmağı planlaşdırır

Volkswagen-in (VW) baş icraçı direktoru Oliver Blume Avropanın ən böyük avtomobil istehsalçısını daha rəqabətqabiliyyətli etmək məqsədilə yeni addımlar atmağa hazırlaşır.

Marja xəbər verir ki, bu barədə "Manager Magazin" məlumat yayıb.

VTB-də minimal faiz dərəcəsi ilə nağd kredit 9.9%-dən

"Manager Magazin" mənbələrə istinadən xəbər verir ki, baş direktorun bu həftənin əvvəlində keçirilən İdarə Heyətinin iclasında təqdim etdiyi planlar işçi sayının azaldılması hədəfinin iki dəfə artırılaraq 100 min nəfərə çatdırılmasını nəzərdə tutur.

Porsche və Audi-nin sahibi olan şirkətdə hazırda təxminən 657 min nəfər çalışır. Blume-nin yenidən strukturlaşdırma planı gələn ay Müşahidə Şurasına təqdim olunacaq və müzakirəyə çıxarılacaq.

Orta müddətdə dörd zavod bağlanacaq

Jurnalın məlumatına görə, Blume-nin strategiyası həmçinin bu onilliyin sonuna qədər ümumi inzibati və əməliyyat xərclərinin 11 milyard avro, yəni 12,5 milyard ABŞ dolları azaldılmasını, orta müddətdə isə Almaniyadakı dörd zavodun bağlanmasını da əhatə edir. Bunlar arasında Neckarsulm şəhərindəki Audi zavodu, həmçinin Hannover, Zwickau və Emden şəhərlərində yerləşən VW zavodları var.

Volkswagen-in “köklü dəyişiklikdən keçməli olduğunu” bildirən şirkət sözçüsü "Manager Magazin"in xəbərində yer alan detalları şərh etməkdən imtina edib. Sözçü qeyd edib ki, İdarə Heyəti şirkətin yenidən strukturlaşdırılması üçün gələcəyə yönəlmiş plan üzərində intensiv işləyir.

Həmkarlar ittifaqı plana qarşıdır

Həmkarlar ittifaqı liderləri yeni planlara etiraz ediblər. Şirkətin kəmkarlar komitəsi və IG Metall həmkarlar ittifaqının birgə açıqlamasında bu planların “işçi qüvvəmizi və fəaliyyət göstərdiyimiz regionları narahat etdiyi” bildirilib. Açıqlamada “Bu cür planlar həyata keçirilməyə çalışılarsa, bütün gücümüzlə qarşı çıxacağıq” deyilib.

İş elanları AzVak.az-da

26.06.2026 13:36