Gömrük Komitəsinin büdcə öhdəliyini yerinə yetirə bilməməsinin səbəbləri məlum olub

Gömrük Komitəsinin büdcə öhdəliyini yerinə yetirə bilməməsinin səbəbləri məlum olub

Gömrük Komitəsinin büdcə öhdəliyini yerinə yetirə bilməməsinin səbəbləri məlum olub

2025-ci ildə Azərbaycanda idxalın faktiki dəyərinin proqnoz göstəricilərindən geri qalması, eləcə də ƏDV-yə cəlb olunan idxalın 2024-cü illə müqayisədə azalması şəraitində Dövlət Gömrük Komitəsinin (DGK) xətti üzrə təmin edilməli büdcə gəlirləri proqnoza nisbətən kəsirlə icra edilib.

Bu barədə Hesablama Palatasının "2025-ci il dövlət büdcəsinin icrası" haqqında qanun layihəsinə verdiyi Rəydə bildirilir.

VTB-də minimal faiz dərəcəsi ilə nağd kredit 9.9%-dən

Sənədə əsasən, ötən il Komitənin xətti ilə büdcəyə 6 milyard 369,9 milyon manat vəsait daxil olub ki, bu da təsdiq olunmuş proqnozla müqayisədə 230,1 milyon manat və yaxud 3,5 %, əvvəlki ilə nisbətən isə 278,8 milyon manat və yaxud 4,2 % az olub.

Hesabat ilində qeyri-monetar qızıl istisna olmaqla idxalın faktiki dəyəri proqnoz göstəricisindən 306,2 milyon ABŞ dolları və yaxud 1,7 % az - 18 milyard 115 milyon ABŞ dolları təşkil edib. 2025-ci ildə gömrük ödənişlərinin idxalın məbləğində nisbət göstəricisi 2023-cü və 2024-cü illərlə müqayisədə müvafiq olaraq 0,9 və 1,3 faiz bəndləri azalaraq 20,7 %-ə enib.

2024-cü illə müqayisədə hesabat ilində ƏDV-yə cəlb olunan idxalın dəyərinin 333,5 milyon ABŞ dolları və yaxud 2,5 % azalaraq 12 milyard 782,5 milyon ABŞ dolları təşkil etməsi DGK üzrə gəlirlərin idxalın məbləğndə nisbət göstəricisinin azalmasına təsir edən amillərdən olub.

İş elanları AzVak.az-da

gömrük gəlirləri dövlət büdcəsi 2025-ci il dövlət büdcəsi dövlət büdcəsinin icrası Hesablama Palatası büdcə gəlirləri gömrük ödənişləri idxal göstəriciləri Azərbaycanda idxal idxalın faktiki dəyəri idxal proqnozu idxal proqnozdan az olub ƏDV-yə cəlb olunan idxal idxalda ƏDV qeyri-monetar qızıl gömrük daxilolmaları büdcə gəlirləri kəsirlə icra edilib DGK üzrə büdcə daxilolmaları

12.06.2026 11:18