Bank olmayan kredit təşkilatları sektoru zərərdən mənfəətə keçib

Bank olmayan kredit təşkilatları sektoru zərərdən mənfəətə keçib

Bank olmayan kredit təşkilatları sektoru zərərdən mənfəətə keçib

Azərbaycandakı bank olmayan kredit təşkilatları (BOKT) bu ilin 1-ci rübünü 81,7 milyon manat xalis mənfəətlə başa vurub. Halbuki, BOKT-lar ötən ilin eyni dövründən 31,6 milyon manat xalis zərərlə çıxmışdı.

Azərbaycan Mərkəzi Bankının statistikasına görə, yanvar-mart aylarında BOKT-ların gəlirləri 175,8 milyon manat (illik müqayisədə 44,7 % çox), xərcləri 63,2 milyon manat (8,8 % çox), xüsusi ehtiyatlara ayırmaları 25,3 milyon manat (72,9 % az), gözlənilməz xərcləri 0,3 milyon manat (ötən ilin eyni dövründə olmayıb), mənfəət vergisi ödəmələri isə 5,3 milyon manat (3,1 dəfə çox) təşkil edib.

VTB-də minimal faiz dərəcəsi ilə nağd kredit 9.9%-dən

Bu il aprelin 1-nə BOKT-ların aktivləri 1 milyard 471,4 milyon manat olub ki, bu da 1 il əvvələ nisbətən 56,7 % çoxdur. Bunun 1 milyard 99,5 milyon manatı müştərilərə verilmiş xalis kreditlərdir. Son 1 ildə sektorun kredit portfeli 68,6 % böyüyüb.

Hesabat dövründə BOKT-ların öhdəlikləri 55,6 % artaraq 804,4 milyon manata, balans kapitalı isə 58,1 % artaraq 667 milyon manata çatıb.

Azərbaycandakı kredit ittifaqlarının zərəri 4 dəfə azalıb

Azərbaycandakı kredit ittifaqları bu ilin 1-ci rübünü 0,7 milyon manat zərərlə başa vurub. Bu, ötən ilin eyni dövrünə nisbətən 3,9 dəfə azdır.

Yanvar-mart aylarında kredit ittifaqlarının gəlirləri 0,6 milyon manat (illik müqayisədə eyni), xərcləri 0,3 milyon manat (25 % az), xüsusi ehtiyatlara ayırmaları isə 1 milyon manat (2 dəfə az) təşkil edib.

Bu il aprelin 1-nə kredit ittifaqlarının aktivləri 12,1 milyon manat olub ki, bu da 1 il əvvələ nisbətən 3,2 % azdır. Bunun 10,3 milyon manatı müştərilərə verilmiş xalis kreditlərdir. Son 1 ildə sektorun kredit portfeli 3,7 % kiçilib.

Hesabat dövründə kredit ittifaqlarının öhdəlikləri 3,7 % azalaraq 2,6 milyon manata, balans kapitalı isə 3,1 % azalaraq 9,5 milyon manata düşüb.

İş elanları AzVak.az-da

29.04.2026 12:57