Azərbaycan bankı 230 milyon dollarlıq yeni sindikativ kredit cəlb etdi

Azərbaycan bankı 230 milyon dollarlıq yeni sindikativ kredit cəlb etdi

Cəlb olunmuş vəsait ABB-nin 2026-2028-ci illər üzrə yeni inkişaf strategiyasına uyğun olaraq real sektorun, xüsusilə ixracyönümlü iri layihələrin maliyyələşdirilməsinə yönələcək.

Azərbaycan bankı 230 milyon dollarlıq yeni sindikativ kredit cəlb etdi

ABB xarici maliyyə bazarlarında iştirakını genişləndirən daha bir uğurlu anlaşmaya imza atıb.

Marja xəbər verir ki, Bank Birləşmiş Ərəb Əmirliklərinin aparıcı banklarından olan Mashreqbank-ın təşkilatçılığı əsasında Avropadan 5, BƏƏ-dən 7 olmaqla, ümumilikdə 12 nüfuzlu bankın iştirakı ilə 230 000 000 ABŞ dolları məbləğində sindikatlaşdırılmış kredit cəlb edib. Əqdin agenti rolunda BƏƏ-nin digər nüfuzlu bankı Abu Dhabi Commercial Bank çıxış edib.

Bu, ABB-nin uzun illər sonra ötən ilin aprelində beynəlxalq maliyyə bazarlarına yenidən qayıdışının ardınca cəlb edilmiş növbəti iri məbləğli sindikativ kreditdir.

Xatırladaq ki, ötən il də ABB 200 000 000 ABŞ dolları məbləğində sindikatlaşdırılmış kredit cəlb etmişdi.

"Bu dəfə əqdin məbləğinin 15% artması və yeni şərtlərin ABB üçün daha əlverişli olması beynəlxalq maliyyə bazarlarında həm Azərbaycanın, həm ABB-nin dayanıqlı inkişafı və güclü maliyyə mövqeyinə yüksək etimadın daha da möhkəmləndiyini göstərir",- ABB-dən bildirilib.

"ABB-nin xarici maliyyə bazarlarında iştirakı Bankın beynəlxalq imicini daha da yüksəldir, biznesi maliyyələşdirmə potensialını gücləndirir, likvidlik mövqeyinə, gəlirliliyinə müsbət təsir göstərir. Xarici bazarlarda ABB-yə olan yüksək inam uzunmüddətli vəsaitlərin cəlbinə, Bankın investor sayının və regional əhatəliliyinin genişlənməsinə imkan yaradır",- Bankdan bildirilib.

ABBbank AzərbaycanBeynəlxalqBankı ABBsindikatkredit sindikatlaşdırılmışkredit 230milyondollar kreditrazılaşması ABBxaricibazarlar Mashreqbank AbuDhabiCommercialBank bankkredit2026 beynəlxalqmaliyyəbazarları Avropabankları BƏƏbankları sindikatkreditəqdi bankfinansmanı likvidlikartımı bankinvestisiya xaricikredit ABBinvestisiya Azərbaycanbanksektoru bankdayanıqlılığı ABBinkişafı bankstrategiyası2026 ABBmaliyyəmöhkəmlik beynəlxalqəlaqələr bankbazarı investorinamı kreditportfeli realekonomimaliyyə ixracyönümlülayihələr bankmaliyyələşmə ABBlikvidlik bankgəlirliliyi bankbeynəlmiləlləşmə ABBxaricikapital

29.04.2026 11:59