Hacıqabul Quşçuluq Şirkətində qanvermə aksiyası keçirilib - FOTOLAR

Hacıqabul Quşçuluq Şirkətində qanvermə aksiyası keçirilib - FOTOLAR

Hacıqabul Quşçuluq Şirkətində qanvermə aksiyası keçirilib - FOTOLAR

Hacıqabul Quşçuluq Şirkətinin dəstəyi, Səhiyyə Nazirliyi Respublika Qan Bankı və Azərbaycan Qan Donorluğunun İnkişafı Mərkəzinin birgə təşkilatçılığı ilə şirkətin ərazisində könüllü qanvermə aksiyası təşkil olunub.

Aksiya Heydər Əliyev Fondunun “Talassemiyasız həyat naminə” proqramı çərçivəsində həyata keçirilib.

VTB-də minimal faiz dərəcəsi ilə nağd kredit 9.9%-dən

Tədbir zamanı qan donorluğunun inkişafına göstərdikləri dəstəyə görə şirkətin təsisçisi və direktoru Nemət Babaşov, eləcə də digər təsisçi Şöhrət Babaşov Azərbaycan Qan Donorluğunun İnkişafı Mərkəzinin İdarə Heyəti tərəfindən “Fəxri üzv” mükafatı ilə təltif ediliblər.

Aksiya çərçivəsində çıxış edən İdarə Heyətinin sədri Fuad Rəsul qan donorluğunun xüsusilə həssas xəstə qrupları üçün həyati əhəmiyyət daşıdığını vurğulayıb. AQDİM-in fəxri üzvləri, talassemiya pasiyentləri Anar Səmədov və Elvin Mirzəyev də bu nəcib təşəbbüsə qoşulan şirkət rəhbərliyinə və əməkdaşlara təşəkkürlərini bildiriblər.

Daha sonra donorların sağlamlıq vəziyyəti Respublika Qan Bankının Şirvan bölməsinin ixtisaslaşmış tibbi briqadasının həkim-hematoloqları tərəfindən yoxlanıldıqdan sonra qanvermə prosesi həyata keçirilib.

Toplanan qan hemofiliya, talassemiya və digər xəstəliklərdən əziyyət çəkən şəxslərin müalicəsində istifadə olunacaq.

Qeyd edək ki, aksiyanın gələcəkdə də davam etdirilməsi nəzərdə tutulur.

Hacıqabul Quşçuluq Şirkəti qanvermə aksiyası könüllü qanvermə Azərbaycan talassemiya üçün qan donorluğu “Talassemiyasız həyat naminə” proqramı qan donorluğu aksiyası Hacıqabul hemofiliya müalicəsi üçün qan donor aksiyası Azərbaycan qanvermə tədbirləri şirkətlərdə sosial məsuliyyət layihələri Azərbaycan Nemət Babaşov Hacıqabul Quşçuluq Şöhrət Babaşov Fuad Rəsul çıxışı qan bankı aksiyası Şirvan donorların sağlamlıq yoxlanışı korporativ sosial məsuliyyət layihəsi

24.04.2026 10:54