Azərbaycanda istehsal olunan zəli məhsulları Avropa, Körfəz və Asiya ölkələrinə ixrac olunacaq

Azərbaycanda istehsal olunan zəli məhsulları Avropa, Körfəz və Asiya ölkələrinə ixrac olunacaq

İqtisadi İslahatların Təhlili və Kommunikasiya Mərkəzinin operatoru olduğu "Azexport" portalında tibbi zəli istehsalı ilə məşğul olan yerli müəssisə nümayəndəsi ilə görüş keçirilib.

Görüşün əsas mövzusu beynəlxalq bazarlarda artan tələbat fonunda Azərbaycan istehsalı olan zəli məhsullarının ixrac coğrafiyasının genişləndirilməsi, qlobal bazardakı mövcud potensial və atılacaq birgə addımlar olub.

“Azexport” portalının rəhbəri Ayxan Qədəşov sahibkar Şaiq Qasımovla görüşündə son illər qlobal bazarda tibbi zəliyə və təbii müalicə vasitələrinə marağın kəskin artdığı, bunun da yerli istehsalçılar üçün yeni bazarlara çıxış imkanı yaratdığı bildirilib.

Görüşdə iştirak edən müəssisə rəhbəri Ş. Qasımov yetişdirilən zəlilərin ekoloji təmizliyinə və tibbi keyfiyyət göstəricilərinə görə beynəlxalq standartlara tam cavab verdiyi, həmçinin istehsal həcmini artırmaq üçün yetərli potensialın olduğunu diqqətə çatdırıb. Görüşdə bu kateqoriyadan olan məhsullar istehsal edən sahibkarların xarici bazarlara inteqrasiyasını təmin etmək üçün beynəlxalq sertifikatların alınması, gömrük prosedurlarının düzgün idarə olunması və idxalçı ölkələrin tələblərinə uyğunlaşma prosesində birgə fəaliyyətin əhəmiyyəti xüsusi vurğulanıb.

Müzakirələrin yekunu olaraq, Azərbaycanda istehsal olunan zəli məhsullarının yüksək alıcılıq qabiliyyətinə malik Avropa, Körfəz və Asiya ölkələrinə ixracının təşkili məqsədilə birgə fəaliyyətin həyata keçirilməsi qərara alınıb.

Qeyd edək ki, Azexport portalı tərəfindən təqdim olunan xidmətlərə görə ödəniş və ya satışlardan komissiya nəzərdə tutulmayıb.

İş elanları AzVak.az-da

Azexport Azexport portalı İqtisadi İslahatların Təhlili və Kommunikasiya Mərkəzi Azərbaycan ixracı ixrac bazarları Azərbaycan tibbi zəli istehsalı zəli ixracı Azərbaycan istehsalı məhsullar yerli istehsalçılar Azərbaycan ixracın genişləndirilməsi qlobal bazar tələbatı təbii müalicə vasitələri Avropa bazarı ixrac Körfəz ölkələri ixrac Asiya bazarı ixrac sahibkarlığın inkişafı Azərbaycan ixrac sertifikatları beynəlxalq sertifikatlar ixrac prosedurları gömrük prosedurları Azərbaycan ixrac potensialı Azərbaycan aqrar ixrac Azərbaycan ekoloji təmiz məhsullar tibbi məhsullar istehsalı biznes və ixrac imkanları

14.04.2026 16:53