Tramp İrana verdiyi müddəti 8 aprelədək uzatdı

Tramp İrana verdiyi müddəti 8 aprelədək uzatdı

Donald Tramp bildirib ki, Tehranın razılaşma əldə etməsi üçün verilmiş 48 saatlıq müddət 8 aprel tarixinədək uzadılıb.

Tramp İrana verdiyi müddəti 8 aprelədək uzatdı

ABŞ Prezidenti Donald Tramp sosial media hesabında etdiyi son paylaşımda İrandan Hörmüz boğazını ticarət gəmilərinin keçidi üçün açmasını tələb edərək verilən vaxtın sabahdan etibarən 8 aprelədək uzadıldığını açıqlayıb.

Marja xəbər verir ki, daha əvvəl Hörmüz boğazını 48 saat ərzində açmayacağı təqdirdə İranı hədələyən Tramp, paylaşımında “Çərşənbə axşamı (7 aprel) ABŞ-ın Şərq sahili vaxtı ilə saat 20:00-da (Bakı vaxtı ilə 8 aprel çərşənbə günü 04:00)” yazmışdı.

VTB-də minimal faiz dərəcəsi ilə nağd kredit 9.9%-dən

ABŞ Prezidenti müddətin uzadılması ilə bağlı açıqlamanı İranda qəzaya uğrayan ABŞ təyyarəsindən sağ çıxan ikinci pilotun da təhlükəsiz şəkildə xilas edilməsindən sonra verib.

ABŞ Prezidenti Tramp sosial media paylaşımında həmin hərbi əməliyyatı “ABŞ tarixində ən cəsarətli axtarış və xilasetmə əməliyyatlarından biri” kimi qiymətləndirərək ikinci pilotun da xilas edildiyini bildirib.

Döyüş təyyarəsinin vurulması

İranın elit hərbi qurumu olan İran İnqilab Keşikçiləri Korpusu 3 aprel tarixində ölkənin mərkəzi bölgələrində bir döyüş təyyarəsini hava hücumundan müdafiə sistemləri ilə vuraraq düşürdüyünü açıqlamışdı. İran mediası ABŞ-a məxsus döyüş təyyarəsinin pilotunun yaxalanaraq əsir götürülmüş ola biləcəyini yazmışdı.

ABŞ mediasına danışan rəsmilər də təyyarənin vurulduğunu təsdiqləyərək ekipaj üzvlərindən birinin xilas edildiyini, ikinci şəxs üçün isə axtarış-xilasetmə əməliyyatlarının davam etdiyini bildirmişdi.

The New York Times qəzetinin xəbərinə görə, Hörmüz boğazı yaxınlığında F‑15 döyüş təyyarəsi ilə demək olar ki, eyni vaxtda ikinci bir ABŞ döyüş təyyarəsi də vurulub. Xəbərdə təyyarənin pilotunun hadisədən sağ çıxdığı bildirilib.

İş elanları AzVak.az-da

Donald Trump ABŞ İran Hörmüz boğazı ABŞ-İran gərginliyi ABŞ İran münasibətləri ABŞ hərbi təyyarəsi İran hava hücumundan müdafiə sistemi ABŞ pilot xilasetmə əməliyyatı ABŞ hərbi əməliyyatı İran İnqilab Keşikçiləri Korpusu Islamic Revolutionary Guard Corps ABŞ döyüş təyyarəsi F‑15 Eagle ABŞ İran münaqişəsi Hörmüz boğazı ticarət gəmiləri qlobal enerji marşrutları ABŞ hərbi xilasetmə əməliyyatı ABŞ Şərq sahili vaxtı Bakı vaxtı Hörmüz boğazı böhranı ABŞ Yaxın Şərq siyasəti ABŞ İran böhranı The New York Times xəbəri ABŞ hərbi pilotları Hörmüz boğazı təhlükəsizliyi

06.04.2026 09:35