BMW Group-un mənfəəti Çin bazarındakı sərt rəqabət səbəbilə azalıb

BMW Group-un mənfəəti Çin bazarındakı sərt rəqabət səbəbilə azalıb

BMW Group-un mənfəəti Çin bazarındakı sərt rəqabət səbəbilə azalıb

Almaniyanın lüks avtomobil istehsalçısı BMW Group-un xalis mənfəəti ötən il Çin bazarındakı güclü rəqabətin təsiri ilə 2024-cü illə müqayisədə 3% azalaraq 7,45 milyard avroya düşüb.

BMW, MINI və Rolls‑Royce markalarını özündə birləşdirən BMW Qrupu (BMW Group) 2025-ci il üzrə maliyyə nəticələrini açıqlayıb.

Marja.az xəbər verir ki, şirkət qlobal bazarlarda satışların düşməsinə baxmayaraq elektrikli avtomobil satışlarında artım əldə edib, lakin Çin bazarındakı itkilər və artan gömrük rüsumları səbəbindən ehtiyatlı mövqe sərgiləyib.

BMW Qrupunun ümumi gəlirləri ötən il 6,3% azalaraq 133 milyard 450 milyon avroya enib. Qrupun xalis mənfəəti isə 3% azalaraq 7,45 milyard avro olub.

Diqqət çəkən məqam isə BMW-nin mənfəətindəki azalmanın rəqibləri ilə müqayisədə daha məhdud qalmasıdır. Eyni dövrdə Almaniyanın avtomobil istehsalçıları Volkswagen və Mercedes‑Benz Group-un mənfəətləri təxminən yarıbayarı azalıb.

Şirkət bu geriləmənin əsas səbəbi kimi avtomobil sektorunda, xüsusilə Çin bazarında artan sərt rəqabət şərtlərini göstərib.

Digər tərəfdən, qrup dünya üzrə ümumi avtomobil tədarükünü 0,5% artıraraq 2 milyon 463 min 681 ədədə çatdırıb.

BMW ötən il tam elektrikli avtomobil satışlarını 3,6% artıraraq 442 min 56 ədədə yüksəldib. Bununla da ümumi satışlarda elektrikli avtomobillərin payı 17,9%-ə çatıb.

Şirkət Çin bazarında baş verən 12,5%-lik azalmanı, Avropada 7,3% və Amerika qitəsində 5,6% artımla qismən kompensasiya edib.

"Gömrük rüsumları mənfəətə təzyiq göstərəcək"

BMW proqnozlarında qlobal ticarət müharibələri və gömrük rüsumlarının əməliyyat mənfəətinə təzyiq göstərməyə davam edəcəyi barədə xəbərdarlıq edib. Xüsusilə ABŞ-dakı gömrük rüsumu qaydalarının mənfəət marjasını 1,25 faiz bəndi azalda biləcəyi vurğulanıb.

BMW Group maliyyə nəticələri BMW satışları və mənfəəti MINI və Rolls-Royce markaları Çin avtomobil bazarında rəqabət qlobal avtomobil satışları elektrikli avtomobil satışları elektrikli avtomobillərin payı Avropa və Amerika bazarında satış artımı Çin bazarında azalma qlobal avtomobil sənayesi rəqabəti gömrük rüsumları və ticarət müharibəsi təsiri Volkswagen mənfəət azalması Mercedes-Benz Group maliyyə nəticələri avtomobil sektorunda qlobal dəyişikliklər elektrikli avtomobil bazarı artımı.

12.03.2026 17:41