Milli Məclis təklifi qəbul etdi - Ödənişli yollarda maksimum sürət həddi müəyyənləşdi

Milli Məclis təklifi qəbul etdi - Ödənişli yollarda maksimum sürət həddi müəyyənləşdi

Minik avtomobilləri və icazə verilmiş maksimum kütləsi 3,5 tondan artıq olmayan yük avtomobilləri üçün ödənişli avtomagistrallarda - saatda 130 kilometrdən çox olmayan sürət həddi müəyyənləşdi.

Milli Məclis təklifi qəbul etdi - Ödənişli yollarda maksimum sürət həddi müəyyənləşdi

Ödənişli yollarda sürət həddi müəyyənləşdirilir.

Bu, Milli Məclisin bu gün keçirilən iclasında müzakirəyə çıxarılan “Yol hərəkəti haqqında” qanuna təklif edilən dəyişiklikdə əksini tapıb.

Layihəyə əsasən, ödənişli avtomagistrallarda sürət həddinin ayrıca tənzimlənməsi məqsədilə yaşayış məntəqələrindən kənarda minik avtomobilləri və icazə verilmiş maksimum kütləsi 3,5 tondan artıq olmayan yük avtomobilləri üçün sürət həddinin saatda 130 kilometrdən, digər avtobuslar, yedəyində qoşqu aparan minik avtomobilləri, icazə verilən maksimum kütləsi 3,5 tondan artıq olan yük avtomobilləri üçün isə saatda 90 kilometrdən çox olmayan həddə müəyyən edilməsi təklif olunur.

Layihə səsverməyə çıxarılaraq üçüncü oxunuşda qəbul edilib. Yeni tələb Azərbaycan Prezidenti dəyişikliyi imzaladıqdan sonra qüvvəyə minəcək.

İş elanları AzVak.az-da

Qeyd edək ki, Azərbaycan Respublikası Milli Məclisində qanun layihələrinin üçüncü oxunuşu, layihənin son müzakirə mərhələsidir. Bu mərhələdə əsasən redaktə xarakterli düzəlişlər edilir və sənəd bütövlükdə səsə qoyularaq qəbul edilir. Üçüncü oxunuşdan keçən qanun layihələri imzalanma üçün Prezidentə göndərilir.

24.02.2026 12:27