Milli maraqlara zidd olan biznes dövlət tərəfindən alınacaq

Milli maraqlara zidd olan biznes dövlət tərəfindən alınacaq

Milli maraqlara zidd olan biznes dövlət tərəfindən alınacaq

Milli maraqlara zidd olan investisiyalar dövlət tərəfindən alınacaq.

Bu, Milli Məclisin bu gün keçirilən iclasında müzakirəyə çıxarılan “İnvestisiya fəaliyyəti haqqında” qanuna təklif edilən dəyişiklikdə əksini tapıb.

VTB-də minimal faiz dərəcəsi ilə nağd kredit 9.9%-dən

Hazırda investisiyalar investordan dövlət tərəfindən iki əsasla - dövlət ehtiyacları üçün və rekviziya məqsədilə (təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda müvafiq dövlət orqanlarının qərarı ilə cəmiyyətin mənafeləri üçün) alına bilər. Hər iki halda investisiyanın dəyəri bu Qanunun 13.3-cü və 13.4-cü maddələrinə uyğun olaraq kompensasiya ödənişinin edilməsi yolu ilə investora ödənilir.

Təklif olunan dəyişiklik investisiyanın dövlət tərəfindən alınmasının yeni bir əsasını müəyyən edir. Bu strateji əhəmiyyətə malik investisiyalara münasibətdə Azərbaycan dövlətinin və xalqının mənafelərinə zərər vuran və ya Azərbaycan Respublikasının milli maraqlarına zidd olan müstəsna halların qarşısını almaq məqsədilə investisiyaların dövlət tərəfindən alınmasıdır.

Beləliklə, qanun layihəsi strateji əhəmiyyətə malik olan investisiyaların Azərbaycan dövlətinin və xalqının mənafelərinə zərər vuran və ya Azərbaycan Respublikasının milli maraqlarına zidd olan müstəsna halların qarşısını almaq məqsədilə dövlət tərəfindən alınmasının hüquqi əsasını formalaşdırır. Qeyd olunan məqsəd üçün investisiyaların alınması ümumi qaydada, yəni investisiyaların dövlət tərəfindən alınması əvəzində investorlara kompensasiya ödənilməklə həyata keçirilə bilər.

Müzakirələrdən sonra qanun layihəsi səsverməyə çıxarılaraq üçüncü oxunuşda qəbul edilib.

Milli Məclis “İnvestisiya fəaliyyəti haqqında” qanuna dəyişiklik edərək strateji əhəmiyyətli və milli maraqlara zidd hesab edilən investisiyaların dövlət tərəfindən alınmasını nəzərdə tutan yeni hüquqi əsas yaradıb. Dəyişikliyə əsasən Azərbaycan-ın dövlət və xalq mənafelərinə zərər vura bilən müstəsna hallarda investisiyalar kompensasiya ödənilməklə dövlət tərəfindən alına bilər. Qanun layihəsi üçüncü oxunuşda qəbul edilib.

24.02.2026 12:24