ABŞ-ın restoranlar şəbəkəsi "Subway", "N Sky Build" şirkətilə Master Françayzinq Razılaşması imzalyıb.

Marja.az "Subway" şirkətinin yaydığı məlumata istinadən xəbər verir ki, bu razılaşma brendin Azərbaycana daxil olmasını təmin edəcək.

Yeni razılaşmaya əsasən, "N Sky Build" Azərbaycanda bütün Subway restoranlarının idarə edilməsi və inkişafı üzrə eksklüziv hüquqlara sahib olacaq.

"Qonaqpərvərlik, pərakəndə ticarət, eləcə də qida və içki daxil olmaqla əsas sahələrdə bir neçə beynəlxalq brendin operatoru kimi 20 ildən artıq təcrübəyə malik olan "N Sky Build" komandası Subway-in inkişafını sürətləndirmək və brendin ölkədə mövqeyini formalaşdırmaq üçün unikal imkanlara malikdir",- məlumatda bildirilir.

“Azərbaycan Subway üçün həyəcanverici inkişaf imkanları təqdim edir və "N Sky Build" bu ambisiyamızı reallaşdırmaq üçün ideal tərəfdaşdır,” – deyə Subway-in Avropa, Yaxın Şərq və Afrika üzrə prezidenti Treysi Gelan bildirib və əlavə edib: “Onların dərin bazar bilikləri və sübut olunmuş əməliyyat mükəmməlliyi bizə ölkə üzrə strateji şəkildə genişlənməyə və qonaqlara müstəsna təcrübə təqdim etməyə imkan verəcək.”

“N Sky Build üçün Subway ilə bu tərəfdaşlıq biznesimizdə yeni və həyəcanverici bir mərhələnin başlanğıcıdır,” – deyə "N Sky Build"in sədri Nuri Qaragöz bildirib və belə davam edib: “Bu razılaşma Azərbaycana olan inamımızın göstəricisidir və biz Subway təcrübəsini ölkə üzrə qonaqlara təqdim edəcəyimiz üçün qürur duyuruq.”

Qlobal sendviç lideri olan Subway, dünyada hər gün təxminən 37 000 restoranda milyonlarla qonağa münasib qiymətlə təzə hazırlanmış sendviçlər təqdim edir. Subway restoranları minlərlə Subway françayzi tərəfindən idarə olunur.

Xəbər verdiyimiz kimi, ABŞ markası “Popeyes”in də Bakıdaa restoranı açılacaq. Belə ki, “Popeyes” və “MOK Group”, “Popeyes” restoranının Azərbaycanda açılacağını elan ediblər.