“Volvo” səhmlərində tarixinin ən sərt satışları baş verib

“Volvo” səhmlərində tarixinin ən sərt satışları baş verib

“Volvo” səhmlərində tarixinin ən sərt satışları baş verib

İsveçin avtomobil istehsalçısı Volvo Cars, 2025-ci ilin dördüncü rübünə dair maliyyə nəticələrini açıqladıqdan sonra birjada kəskin satışlarla qarşılaşıb. Şirkətin səhmləri cümə axşamı 25 faizdən çox dəyər itirib. Bu ucuzlaşma Volvo səhmləri baxımından ən pis ticarət günlərindən biri kimi qeydə alınıb.

Marja xəbər verir ki, Volvo, dördüncü rübdə mənfəətliliyin nəzərəçarpacaq dərəcədə zəiflədiyini bildirib. Şikətin əməliyyat gəliri ötən ilin eyni dövrü ilə müqayisədə 68 faiz azalaraq 200,46 milyon dollara enib. Şirkət bu geriləməyə gömrük rüsumlarının, valyuta məzənnələrindəki mənfi tendensiyanın və qlobal tələbin zəifləməsinin səbəb olduğunu açıqlayıb.

Rüsumlar və valyuta təzyiqi ön planda

Çinin "Geely Holding" şirkətinin tərkibində fəaliyyət göstərən Volvo, xüsusilə ABŞ və Avropa bazarlarında tətbiq olunan ticarət rüsumlarından mənfi təsir görüb. ABŞ ilə Avropa İttifaqı arasında ötən il imzalanan ticarət çərçivəsi ABŞ-ın bir çox Avropa İttifaqı mənşəli məhsula 15 faiz gömrük vergisi tətbiq etməsinə imkan yaradıb. Bu göstərici əvvəllər müzakirə olunan 30 faiz səviyyəsindən aşağı qalsa da, avtomobil sənayesi üçün əlavə xərc yaradıb.

Çin bazarı və rəqabət təzyiqi

Volvo-nun Baş İcraçı Direktoru Hakan Samuelsson xüsusilə Çin bazarında güclü rəqabət yaşandığını bildirərək, Avropanın avtomobil istehsalçılarının oxşar çətinliklərlə üzləşdiyini deyib. Samuelsson, ABŞ və Çində elektrikli avtomobillərə verilən təşviqlərin başa çatmasının da fəaliyyət mühitini daha mürəkkəb hala gətirdiyini vurğulayıb.

Samuelsson bildirib ki, şirkət daxilində xərclərin azaldılması və pul axınının gücləndirilməsi istiqamətində addımlar atılıb və bu sahələrdə irəliləyiş əldə olunub. Lakin bu tədbirlər qısa müddətdə qlobal bazarlardakı mənfi şəraitin təsirini balanslaşdırmaq üçün kifayət etməyib.

İş elanları AzVak.az-da

05.02.2026 23:32