"Uçot dərəcəsindəki dəyişikliklərin kredit və depozit faizlərinə təsiri müşahidə olunub"

"Uçot dərəcəsindəki dəyişikliklərin kredit və depozit faizlərinə təsiri müşahidə olunub"

"Uçot dərəcəsindəki dəyişikliklərin kredit və depozit faizlərinə təsiri müşahidə olunub"

"Biz uçot dərəcəsindəki dəyişikliklərin kredit və depozit faizlərinə təsirini daim qiymətləndiririk. Yeni monetar siyasət çərçivəsinin tətbiqinin son mərhələsi 2024-cü ildən başlamışdır. Bu çərçivədə biz məcburi ehtiyat normalarının son versiyasını tətbiq etdik və nəticədə pul bazarı aktivliyi genişlənməyə başladı".

Marja.az-ın məlumatına görə, bunu keçirdiyi mətbuat konfransında Azərbaycan Mərkəzi Bankının sədri Taleh Kazımov bildirib.

VTB-də minimal faiz dərəcəsi ilə nağd kredit 9.9%-dən

Mərkəzi Bankın sədri, "Pul siyasətimizin bank sektorunda depozit və kredit faizlərinə təsirini qiymətləndirərkən qeyd edə bilərəm ki, son altı ay ərzində yumşalma istiqamətində dəyişikliklər müşahidə olunub" deyərək əlavə edib:

•Fiziki şəxslərin manatla yeni cəlb olunmuş müddətli depozitləri üzrə orta faiz dərəcəsi 0,11 faiz bəndi azalaraq 9,15 faizə enmişdir;

•Hüquqi şəxslərin yeni manat depozitləri üzrə orta faiz 0,78 faiz bəndi azalaraq 5,87 faizə düşmüşdür;

•Fiziki şəxslərə manatla verilmiş yeni kreditlər üzrə orta faiz dərəcəsi 0,48 faiz bəndi azalaraq 20,99 faizə enmişdir;

•Hüquqi şəxslərə manatla verilmiş yeni kreditlər üzrə orta faizlər isə 0,91 faiz bəndi azalaraq 12,19 faizə düşmüşdür.

Bu göstəricilər faiz dərəcələrində enmə meyillərinin formalaşdığını göstərir. Bununla belə, uçot dərəcəsindəki dəyişikliklərin depozit və kredit faizlərinə tam ötürülməsi üçün zaman faktoru hələ də əhəmiyyətlidir".

pul-siyasəti Azərbaycan-Mərkəzi-Bankı Taleh-Kazımov uçot-dərəcəsi monetar-siyasət depozit-faizləri kredit-faizləri manat-depozitləri manat-kreditləri fiziki-şəxslər hüquqi-şəxslər faiz-dərəcəsi faiz-endirimi monetar-çərçivə ehtiyat-normaları pul-bazarı-aktivliyi bank-sektoru faiz-trendləri finansal-stabillik faiz-analizi bank-əməliyyatları əməliyyat-məlumatları 2024-cü-il orta-faiz-dərəcəsi faiz-dəyərləri Azərbaycan-iqtisadiyyatı

04.02.2026 11:46