SOCAR-ın “yaşıl” istiqrazlarının üçüncü faiz ödənişi edilib

SOCAR-ın “yaşıl” istiqrazlarının üçüncü faiz ödənişi edilib

SOCAR-ın “yaşıl” istiqrazlarının üçüncü faiz ödənişi edilib

2025-ci il 8 dekabr tarixində SOCAR-ın “yaşıl” təyinatlı istiqrazları üzrə üçüncü faiz ödənişi edilib (Emissiya Prospektinə əsasən, qeyri–iş gününə təsadüf edərsə, kupon ödənişi növbəti ilk iş günü həyata keçirilir).

VTB-də minimal faiz dərəcəsi ilə nağd kredit 10.49%-dən

“SOCAR Capital” şirkətindən verilən məlumatda bildirilib ki, 3-cü faiz ödənişi nəticəsində 3 milyon ABŞ dolları məbləğində vəsait artıq istiqraz sahiblərinin hesablarına köçürülüb.

2025-ci ilin 15 yanvar tarixində ölkəmizin “yaşıl” enerji sahəsində atdığı geniş və məqsədyönlü addımlara töhfə vermək məqsədilə SOCAR tərəfindən emissiya edilmiş “yaşıl” təyinatlı istiqrazlar investorların böyük marağına səbəb olub.

Cari ilin 7 mart tarixindən etibarən təkrar bazar əməliyyatlarına start verilən və daxili kapital bazarlarında növbəti dəfə böyük canlanmaya səbəb olan SOCAR-ın “yaşıl” istiqrazları ilə Bakı Fond Birjasında (BFB) bu günədək 16,670 milyon ABŞ dolları məbləğində 423 ədəd əqd bağlanıb.

SOCAR-ın hazırda tədavüldə olan istiqrazları ilə Bakı Fond Birjasında təqribən 82,4 milyon ABŞ dolları məbləğində ticarət aparılıb. Bağlanan əqdlərin sayı 1566-dır (BFB-də korporativ istiqrazlar üzrə baş tutan əqdlərin 36,5%-ini təşkil edib).

İş elanları AzVak.az-da

Qeyd edək ki, SOCAR İstiqrazlarının ilk buraxılışından (2016) indiyədək SOCAR tərəfindən vətəndaşlara və investorlara 52 milyon ABŞ dolları məbləğində faiz ödənişi edilib.

“ABB İnvest” investisiya şirkətinin marketmeykeri olduğu SOCAR-ın “yaşıl” təyinatlı istiqrazları illik 6% gəlirliliklə 5 illik müddətə buraxılıb. İstiqrazlar bütün vergilərdən azaddır, kupon ödənişləri hər 3 aydan bir ödənilir və müddətin sonuna qədər sahiblərinə ümumilikdə 60 milyon ABŞ dolları gəlir qazandıracaq.

SOCAR_yaşıl_istiqrazları yaşıl_istiqraz_ödənişi_2025 SOCAR_Capital_istiqrazlar SOCAR_kupon_ödəməsi SOCAR_investor_marağı Bakı_Fond_Birjası_istiqrazlar korporativ_istiqrazlar_ticarət SOCAR_faiz_ödənişi yaşıl_enerji_investisiya illik_6faiz_gəlirlilik 5illik_istiqrazlar vergidən_azad_istiqrazlar kupon_ödəmələri_hər3ay SOCAR_istiqraz_gəlirliliyi yaşıl_enerji_finaslaşdırma

08.12.2025 14:05