“Natura” meyvə şirəsi brendinin təşəbbüsü ilə Laçında ağacəkmə aksiyası keçirilib

“Natura” meyvə şirəsi brendinin təşəbbüsü ilə Laçında ağacəkmə aksiyası keçirilib

“Natura” meyvə şirəsi brendinin təşəbbüsü ilə Laçında ağacəkmə aksiyası keçirilib

8 Noyabr – Zəfər Gününə həsr olunmuş silsilə tədbirlər çərçivəsində “Natura” meyvə şirəsi brendinin təşəbbüsü ilə Laçın rayonunda genişmiqyaslı ağacəkmə aksiyası keçirilib. Aksiya Laçın rayonunda Bərpa, Tikinti və İdarəetmə Xidməti, “Laçın Abadlıq Xidməti” ASC-nin dəstəyi ilə reallaşıb.

Layihə çərçivəsində ümumilikdə 500 meyvə və dekorativ ağac əkilib. Ağaclar Laçın şəhər mərkəzində, Həkəri çayı sahilində, eləcə də Zabux, Sus və Bəylik kəndlərində əkilib. Əkilən növlər bölgənin iqlim və torpaq xüsusiyyətlərinə uyğun seçilib.

Tədbir Laçın rayonunda Azərbaycan Respublikası Prezidentinin xüsusi nümayəndəliyinin, Laçın rayonunda Bərpa, Tikinti və İdarəetmə Xidmətinin, “Laçın Abadlıq Xidməti” ASC-nin, eləcə də yerli sakinlərin, könüllülərin və ekoloji təşəbbüsləri dəstəkləyən gənclərin iştirakı ilə baş tutub.

Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov çıxış edərək rayonda həyata keçirilən ekoloji layihələrin və sosial təşəbbüslərin əhəmiyyətini vurğulayıb, “Natura” brendinin bu addımını yüksək qiymətləndirib.

Qeyd edək ki, ağacların sağlam inkişafı üçün aqrotexniki nəzarət proqramı hazırlanıb və davamlı baxım planı müəyyən edilib. Bu təşəbbüs Laçının ekosisteminin bərpasına, yaşıllıqların artırılmasına və bölgənin uzunmüddətli inkişafına xidmət edəcək.

“Natura” meyvə şirələri ölkənin aparıcı qida sənayesi şirkətlərindən biri olan Novex Group-un tərkibində fəaliyyət göstərən Qəbələ Konserv Zavodunda istehsal olunur.

Bu sosial layihə “Natura” brendinin ekologiyanın qorunması, sosial məsuliyyətin təşviqi və işğaldan azad edilmiş ərazilərin bərpasına dəstək istiqamətində həyata keçirilən fəaliyyətlərin davamıdır.

Zəfər Günü 8 Noyabr Laçın rayonu Laçın şəhəri Zabux kəndi Sus kəndi Bəylik kəndi Həkəri çayı ağacəkmə aksiyası ekoloji layihə yaşıllaşdırma təşəbbüsü təbiətin qorunması ekologiya ətraf mühit sosial məsuliyyət ekoloji məsuliyyət Laçının bərpası Laçının inkişafı işğaldan azad edilmiş ərazilər bərpa və abadlıq Laçın Abadlıq Xidməti Bərpa Tikinti və İdarəetmə Xidməti Prezidentin xüsusi nümayəndəliyi Məsim Məmmədov Natura meyvə şirəsi Natura brendi Novex Group Qəbələ Konserv Zavodu yerli icma könüllülər ekoloji təşəbbüslər ekosistemin bərpası meyvə ağacları dekorativ ağaclar Laçında ağacəkmə sosial layihə ekoloji aksiya davamlı inkişaf yaşıl enerji ekoloji dəyərlər Natura sosial təşəbbüs Azərbaycanın ekoloji layihələri.

08.11.2025 19:27