10 oktyabr 2025-ci il tarixində Bakı Fond Birjasının (BFB) Listinq Komitəsinin qərarı ilə "AFB BANK" ASC-nin istiqrazların ticarətə buraxılması üçün “Ticarətə İcazə” qərarı verilmişdir.

Qeyd olunan qiymətli kağızların abunə yazılışı 15.10.2025-ci il tarixində başlayıb, 24.10.2025-ci il tarixində bitmişdir.

AZ2001008591 İSİN kodlu istiqrazların yerləşdirilməsi 27 oktyabr 2025-ci il tarixində həyata keçirilmişdir. Marja xəbər verir ki, 5 milyon manatlıq istiqrazlara 80 investor 80 sifariş təqdim edib. İstiqrazlar tam məbləğdə yerləşdirilib. 

Qeyd olunan qiymətli kağızların ticarət nəticələri “Bakı Fond Birjasında Qiymətli Kağızların Ticarətə Qəbulu, Listinqə Alınması, Listinqdə Saxlanılması və Delistinqi Qaydaları”-n  3.19  bəndinin tələblərinə cavab verdiyindən, adıgedən istiqrazlar Standart Bazar Listinq seqmentinə alınır.

İstiqrazların emissiya prospektini BFB-nin internet səhifəsində “Emitentin profili” bölməsindən əldə edə bilərsiniz.

İstiqrazlar üzrə məlumat aşağıdakı kimidir:

Emitentin adı: "AFB BANK" ASC

Dövlət qeydiyyat nömrəsi – İSİN: AZ2001008591

İstiqrazların növü və forması:  Faizli, təminatsız, sənədsiz, adlı istiqrazlar

Ticarət üsulu/forması:  Kütləvi/ Abunə Yazılışı 

İstiqrazların sayı: 50 000 ədəd

İlkin ticarət qiyməti:  100 manat

İstiqrazların buraxılış həcmi: 5 000 000 manat

İllik gəlirlilik faizi:  13%

Ödəmə Periodu: İstiqrazlar üzrə hesablanmış faizlər, buraxılışda olan ilk istiqrazın yerləşdirildiyi tarixdən etibarən hər 3 təqvim ayının başa çatmasından 3 gün gec olmayaraq ödəniləcəkdir

Tədavül müddəti:  2 il

Minimal qiymət:  100 (13.0%) manat

Maksimal qiymət:  100 (13.0%) manat

Kəsmə qiymət: 100 (13.0%) manat

Ortaçəkili qiymət: 100 (13.0%) manat

Reallaşdırılmış həcm: 5 000 000 manat

Sifarişlərin ümumi həcmi (nominal qiymətlə): 5 000 000 manat

İnvestor sayı:  80

Sifariş sayı: 80

Anderrayter:  “Assist Finance İnvestisiya Şirkəti” ASC